Авдий 1:19 - Коми Библия 2023

¹⁹ Негевын олысьяс босьтасны Исав керӧс, керӧсбердса муын олысьяс босьтасны Филистим му. Иуда войтыр босьтас Ефрем да Самария муяс, Венямин чужанкотыр босьтас Галаад му.

Авдий 1:19 Kruisverwysings

Ӧксыяслӧн 4 небӧг 17:24

Самарияса каръясӧ ассурса ӧксы вайӧдіс Вавилонысь, Кутаысь, Авваысь, Хаматысь да Сепарваимысь олысьясӧс. Найӧ босьтісны аслыныс Самария му да овмӧдчисны сэтчӧс каръясӧ израильсаяс пыдди.

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

Ездра 4:17

Ӧксы мӧдӧдіс татшӧм вочавидзӧм: «Гижа Рехум юралысьлы, Шимшай гижалысьлы да налӧн уджъёртъяслы, кодъяс олӧны Самарияын да Авар-Нахараын. Лӧнь олӧм тіянлы!

Ездра 4:2

Найӧ локтісны Зоровавель да рӧдкутысьяс дінӧ да шуисны: «Лэдзӧй миянлы тіянкӧд ӧтвыв лэптыны крамсӧ, ӧд ми тіян моз юрбитам тіян Енлы. Сійӧ кадсяньыс, кор ассурса Асардан ӧксы вайис миянӧс татчӧ, ми вись ваям тіян Енлы».

Еремей 32:44

эзысь вылӧ видз-му, аддзылысь-висьталысьяс дырйи кутасны гижавны видз-му ньӧбӧм йылысь кабалаяс да тупкыны найӧс сёйысь вӧчӧм печатьӧн. Тадзи кутасны вӧчны Венямин муын, Ерусалим кар гӧгӧрын, иудаса, негевса, керӧсвывса да керӧсбердса каръясын. Ӧд Ме бӧр бергӧда найӧс пленысь, – висьталӧ Господь».

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Езекиль 25:16

Та вӧсна Господь Ыджыдыс тадзи висьталӧ: Ме лэпта киӧс филистимсаяс вылӧ, бырӧда керетса войтырӧс да саридз дорын олысьясӧс.

Езекиль 36:28

Ті кутанныд овны сійӧ муас, мый Ме коркӧ сеті тіян батьясныдлы. Ті лоанныд Менам войтырӧн, а Ме лоа тіян Енмӧн.

Амос 1:13

Господь тадзи висьталӧ: – Аммон войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд виисны йӧзсӧ Галаадын, весиг кынӧма аньяслысь рушкунысӧ вожӧдісны, медым паськӧдны ассьыныс оланінсӧ.

Амос 1:8

Бырӧда Азотын юралысьӧс, Аскалонын юралан бедьсӧ кутысьӧс. Экрон вылӧ киӧс лэпта, и филистимсалӧн колясыс бырас, – висьталӧ Господь Ыджыдыс.

Амос 9:12

Сэки Израиль кутас ыджыдавны Эдомлӧн коляс войтырыс вылын да став войтыръяс вылын, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Лыд 1:32

Гижалӧма вӧлі Ӧсип пиянлысь чужысьяссӧ. Ефрем чужанкотырысь кызь арӧса да ыджыдджык арлыда айуловӧс, кодъяс вермисны петны тышӧ, вӧлі арталӧма-гижалӧма нимъяснас рӧд да котыр сертиныс.

Нав Исус 13:25

Язер кар, Галаадысь став карсӧ да аммон войтырлысь джын мусӧ Ароэр карӧдз, мый сулалӧ Равва карсянь матын.

Нав Исус 13:31

Галаад мулысь джынсӧ да Ог ӧксылысь васанса Аштарот да Эдрей каръяссӧ вӧлі сетӧма Манассейлӧн Макир пиыслӧн джын рӧдлы.

Нав Исус 15:21

Негевысь Эдом дорысь налы вичмисны Кавцел, Эдер, Ягур,

Нав Исус 15:33

Керӧсбердса муысь Иуда чужанкотырлы вичмисны Эштаол, Цора, Ашна,