Ап. уджъяс 9:5 - Коми Библия 2023

⁵ Сійӧ юаліс: «Коді Тэ, Господьӧй?» Господь шуис сылы: «Ме эм Исус, кодӧс тэ вӧтлан. Сьӧкыд тэныд мунны ёсь зорлы паныд».

Ап. уджъяс 9:5 Kruisverwysings

Иов 9:4

Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Исай 45:9

Курыд шог сылы, коді вензьӧ аслас Вӧчыськӧд, сылы, коді сӧмын жугалӧм гырничтор кодь. Сёйыс ӧмӧй шуас гырнич вӧчысьыслы: «Мый тэ верман вӧчны?» Тэнад киӧн вӧчӧмторйыд ӧмӧй шуас, тэ пӧ сямтӧм?

Ап. уджъяс 10:14

Петыр шуис: «Ог, Господьӧй. Ме некор эг сёйлы нинӧм шогмытӧмсӧ да пежсӧ».

Ап. уджъяс 26:14

Ми ставным усим муас. Сэки ме кылі еврей кыв вылын ме дінӧ шыасьӧм: ”Савл, Савл, мыйла вӧтлан Менӧ? Сьӧкыд тэныд мунны ёсь зорлы паныд”.

Ап. уджъяс 26:9

Ме ачым быд ногыс паныд сувтлі Назаретса Исус нимлы. Чайті, тадзи колӧ вӧлі.

Ап. уджъяс 5:39

а Енсянь кӧ, ті онӧ вермӧй кисьтнысӧ. Видзчысьӧй Енлы паныд сувтӧмысь».

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Ап. уджъяс 9:6

Савлӧс полӧм босьтіс, тіралӧмӧн сійӧ юаліс: «Господьӧй, мый Тэ тшӧктан меным вӧчны?» Господь шуис сылы: «Чеччы да мун карас. Сэні висьталасны, мый тэныд колӧ вӧчнысӧ».

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Филипӧ 3:12

Ме ог шу, мый вои нин тыр-бурас, но зіля воны тыр-бурас, ӧд татчӧ менӧ корис Исус Кристос.

1 Тимофейлы 1:13

Водзынсӧ ме омӧльті Кристосӧс, вӧтлі-дзескӧді Сылы эскысьясӧс да лёк вӧчи налы. Но Кристос вӧлі бур сьӧлӧма ме дінӧ, ӧд тадзисӧ ме вӧчи гӧгӧрвотӧмла да эскытӧмла.