Ап. уджъяс 9:40 - Коми Библия 2023

⁴⁰ Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.

Ап. уджъяс 9:40 Kruisverwysings

Ӧксыяслӧн 4 небӧг 20:11

Сэки Исай пророк кевмысис Господьлы, и Господь бергӧдіс Ахазлӧн пос вылӧ шондісянь усьӧм вуджӧрсӧ дас тшупӧдӧн бӧрлань.

Матвей 6:6

Но тэ пыр аслад вежӧсӧ, ӧдзӧстӧ пӧдлав да кевмысь тыдавтӧм Батьыдлы. Гусясӧ аддзысь Батьыд сетас тэныд аддзымӧнъя.

Матвей 9:25

Йӧзӧс вӧтлӧм бӧрын Исус пырис нывка дінӧ да босьтіс сійӧс киӧдыс. Нывка чеччис.

Марк 9:25

Исус аддзис, мый йӧзыс котӧрӧн чукӧртчӧны. Сэки ӧлӧдӧмӧн шуис пеж ловлы: «Кыв-вор кутысь, пельяс тупкысь пеж лов, тшӧкта тэныд: пет зонка пытшкысь да бӧрсӧ эн лысьт пырны сы пытшкӧ».

Лука 22:41

Ачыс ылыстчис наысь из шыбитӧм ылнаӧ да пидзӧс вылас сувтӧмӧн кевмысис:

Лука 8:54

Ставнысӧ вӧтлӧм бӧрын Исус босьтіс нывкаӧс киӧдыс да гораа шуис: «Нылӧй, чеччы!»

Ап. уджъяс 20:36

Тайӧс шуӧм бӧрын Павел сувтіс пидзӧс вылас да ставныскӧд ӧтвылысь кевмысис.

Ап. уджъяс 21:5

Вежон мысти ми бара петім туйӧ. Ставныс гӧтыръясныскӧд да челядьныскӧд колльӧдісны миянӧс кар сайӧдзыс. Сэні вадорас ми сувтім пидзӧс выланым да кевмысим.

Ап. уджъяс 28:8

Сійӧ кадас Публийлӧн батьыс куйліс биа висьӧмӧн да кынӧм висьӧмӧн. Павел пырис сы дінӧ, кевмысис да сы вылӧ кисӧ пуктылӧмӧн бурдӧдіс сійӧс.

Ап. уджъяс 7:60

Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.