Ап. уджъяс 5:4 - Коми Библия 2023

⁴ Эз ӧмӧй ас киад вӧв овмӧсыд да босьтӧм сьӧмыд? Мыйла тэ сьӧлӧмад лэдзин мӧвп тадзи вӧчны? Тэ эн мортӧс пӧръяв, тэ пӧръялін Енмӧс».

Ап. уджъяс 5:4 Kruisverwysings

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

1 Каднебӧг 29:3

Менам Енлӧн крамыс меным муса, та вӧсна Енлысь крамсӧ лэптӧм могысь ме сета аслам озырлунысь зарни да эзысь. Сыысь кындзи, мый ме дасьті нин вежа керка лэптӧм вылӧ, ме сета

1 Каднебӧг 29:5

да вӧчасны зарни да эзысь дозмук-кӧлуй. Коді нӧшта кӧсйӧ вайны сетӧмторсӧ Господьлы?»

1 Каднебӧг 29:9

Ставныс найӧ сьӧлӧмсяньныс вайисны ассьыныс сетӧмторнысӧ Господьлы. Став войтырыс нимкодясис таысь, Давид ӧксы тшӧтш ёна нимкодясис.

Иов 15:35

Ӧд сійӧ нӧбасис лёкнас да чужтіс шог, сійӧ новлӧдліс ас пытшкас ылӧг.

Псалтыр 139:4

Налӧн кывйыс змейлӧн кодь чушкана, налӧн вомын змей яд.

Псалтыр 7:14

Енмыс сылы паныд дасьтӧ вианторъяс, лӧсьӧдӧ биа ньӧвъяс.

Петӧм 16:8

Мӧисей водзӧ шуис: «Рытнас Господь сетас тіянлы сёйны яй, а асывнас сетас нянь, и ті пӧттӧдзныд сёянныд. Ӧд Господь кыліс, кыдзи ті ропканныд Сы вылӧ. А ми нӧ кодъяс? Ті ӧд он миян вылӧ ропкӧй, а Господь вылӧ».

Петӧм 35:29

Израильса айулов да аньяс сьӧлӧмсяньныс вайисны ассьыныс козинъяссӧ, медым вӧчны ставсӧ, мый Господь тшӧктіс Мӧисейлы. Быдӧн ас кӧсйӧм сертиыс вайис Господьлы козинсӧ.

Еклесиаст 5:5

Эн лэдз кывйыдлы кыскыны тэнӧ мыжас, [Енлӧн] юӧртысь водзын эн шу, тӧдлытӧг пӧ тадзи артмис. Мыйла тэныд дӧзмӧдны Енсӧ кывнад, медым Сійӧ бырӧдіс ставсӧ, мый тэ вӧчин?

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Езекиль 38:10

Господь Ыджыдыс тадзи висьталӧ: сійӧ лунӧ тэ кутан мӧвпавны лёк вӧчӧм йылысь

Лыд 16:11

Тэ аслад йӧзкӧд кыпӧдчин Господьлы паныд. Ті ӧд онӧ Аарон вылӧ, а Господь вылӧ ропканныд».

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Ап. уджъяс 5:3

Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

Ап. уджъяс 5:9

Петыр шуис: «Мыйла нӧ сёрнитчӧмныд пӧрйӧдлыны Господьлысь Ловсӧ? Кылан-ӧ ӧдзӧс сайысь кок шыяссӧ? Тэнсьыд верӧстӧ гуалысьяс локтӧны, ӧні тэнӧ тшӧтш петкӧдасны».

1 Коринфӧ 8:8

Но сёяныс оз матыст миянӧс Ен дінӧ. Ми кӧ огӧ сёйӧй – нинӧм огӧ воштӧй, а сёям кӧ – тайӧ нинӧм оз содты миянлы.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Филимонлы 1:14

Но тэнад шутӧг нинӧм ог кӧсйы вӧчны, мед эськӧ тэ бурсӧ вӧчин ас кӧсйӧмӧн, а эн мырдӧн.

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.

Ӧксыяслӧн 1 небӧг 8:7

Господь шуис Самуиллы: «Вӧч ставсӧ налӧн корӧм серти. Найӧ оз тэнӧ ӧтдортны, а Менӧ, медым Ме эг вӧв налӧн ӧксыӧн.