Ап. уджъяс 5:3 - Коми Библия 2023

³ Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

Ап. уджъяс 5:3 Kruisverwysings

Иов 22:13

А тэ шуан, мый Енмыс оз тӧд, оз аддзы, оз вермы мыждыны сап пемыд пырыс,

Шусьӧгъяс 20:25

Тывйӧ шедан, тэрмасьӧмӧн кӧ Енлы вежа козин кӧсйысян, а сӧмын бӧрыннас мӧвпалан.

Еклесиаст 5:4

Кӧсйысин кӧ да эн вӧч – тайӧ лёктор. Бурджык, он кӧ кӧсйысь.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Осий 11:12

– Ефрем кытшаліс Менӧ аслас пӧръясьӧмӧн, Израиль – аслас ылӧдчӧмӧн. А Иуда кутчысьӧ на Ен дорас, эскӧ на вежа Енлы.

Лыд 30:2

Израильса чужанкотыръяслӧн юралысьяслы Мӧисей шуис: «Со мый тшӧктӧ Господь.

Матвей 13:19

Мортыс кылӧ Енлӧн Юралӧм йылысь да оз гӧгӧрво. Сы дінӧ локтӧ омӧльыс да гусялӧ сьӧлӧмас кӧдзӧмасӧ. Тайӧс петкӧдлӧ туй бокӧ усьӧм кӧйдыс.

Лука 22:3

Сӧтана пырис Искариот Иуда пытшкӧ, сійӧ вӧлі дас кык велӧдчысьысь ӧти.

Иоан 13:2

Рытнас найӧ чукӧртчисны сёйны. Омӧльыс вӧлі ышӧдӧма нин Иудаӧс, Симон-Искариотлысь писӧ, вузавны Исусӧс.

Иоан 13:27

Тайӧ няньтор бӧрас Иуда пытшкӧ пырис сӧтана. Исус шуис Иудалы: «Мый кӧсъян вӧчны, вӧч ӧдйӧджык».

Ап. уджъяс 5:2

Босьтӧм сьӧмсьыс Ананий мыйтакӧ торйӧдіс аслыс, гӧтырыс тшӧтш тӧдіс та йылысь. Коляссӧ Ананий вайис апостолъяслы.

Ап. уджъяс 5:4

Эз ӧмӧй ас киад вӧв овмӧсыд да босьтӧм сьӧмыд? Мыйла тэ сьӧлӧмад лэдзин мӧвп тадзи вӧчны? Тэ эн мортӧс пӧръяв, тэ пӧръялін Енмӧс».

Ап. уджъяс 5:9

Петыр шуис: «Мыйла нӧ сёрнитчӧмныд пӧрйӧдлыны Господьлысь Ловсӧ? Кылан-ӧ ӧдзӧс сайысь кок шыяссӧ? Тэнсьыд верӧстӧ гуалысьяс локтӧны, ӧні тэнӧ тшӧтш петкӧдасны».

Индӧд 23:21

Аслад Господь Енлы кӧ кыв сетан, вӧч ньӧжмасьтӧг, ӧд Господь, тэнад Енмыд, виччысьӧ, мый тэ кыв сетӧмтӧ збыльмӧдан, а он кӧ, тэ мыжа лоан.

Яков 4:7

Сідзкӧ, сетчӧй Енмыслы, паныд сувтӧй омӧльыслы, и сійӧ пышъяс тіян дінысь.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.