Ап. уджъяс 27:23 - Коми Библия 2023

²³ Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Ап. уджъяс 27:23 Kruisverwysings

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 143:12

Миян пиянным мед лоӧны пашкыр том пуяс кодьӧсь, нывъясным – ӧксылысь керкасӧ мичмӧдысь сюръяяс кодьӧсь.

Петӧм 19:5

Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Сьылан 2:16

Мусукӧй – менам, а ме – сылӧн, лилия дзоридзьяс пӧвстын сылӧн йирсяніныс.

Сьылан 6:3

Ме – мусукӧйлӧн, а мусукӧй – менам, сылӧн йирсяніныс лилия дзоридзьяс пӧвстын. (Зон:)

Исай 44:21

Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.

Исай 44:5

Ӧти шуас: «Ме Господьлӧн», мӧд шуас асьсӧ Яковлӧн нимӧн, а кодкӧ ки вылас гижас: «Ме Господьлӧн», и сійӧ нимтас асьсӧ Израиль нимӧн.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Еремей 32:38

Найӧ лоӧны Менам войтырӧн, а Ме – налӧн Енмӧн.

Езекиль 36:38

Кыдзи гажӧдчан лунъясӧ Ерусалим кар тырӧма вись пыдди ваян ыжъясӧн, сідзи киссьӧм каръяс тырасны йӧзӧн. Сэки найӧ тӧдмаласны, мый Ме – Господь».

Даниил 3:17

Миян Енным, кодлы ми кесъялам, вермас мездыны миянӧс ыпъялысь пачысь. Сійӧ мездас миянӧс и тэнад киысь, ӧксыӧй.

Даниил 3:26

– Господьӧй, миян батьяслӧн Енмӧй, Тэ ёна ошкана! Мед лоӧ ошкӧма-нимӧдӧма Тэнсьыд нимтӧ нэмъяс чӧж!

Даниил 3:28

Тэ веськыда мыждін миянӧс да миян батьяслысь вежа Ерусалим карсӧ, Тэ мыждін Аслад збыльыд серти, миян мыжъяс вӧсна став тайӧ сьӧкыдсӧ Тэ мӧдӧдін миянлы.

Даниил 6:16

Сэки ӧксы тшӧктіс вайӧдны Даниилӧс да шыбитны сійӧс левъяслӧн гуӧ. Ӧксы шуис Данииллы: «Тэнад Енмыд, кодлы тэ дугдывтӧг кесъялан, мед мездас тэнӧ!»

Даниил 6:20

Гу дорӧ матыстчигӧн сійӧ нориник гӧлӧсӧн шыасис Даниил дінӧ: «Даниил, ловъя Енлӧн кесйӧг! Вермис-ӧ Тэнад Енмыд, кодлы тэ дугдывтӧг кесъялан, мездыны тэнӧ левъясысь?»

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

Ап. уджъяс 16:17

Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ».

Ап. уджъяс 18:9

Войнас Господь петкӧдчис Павеллы да шуис: «Эн пов, водзӧ висьтав.

Ап. уджъяс 23:11

Сійӧ войнас Господь сувтіс Павел водзӧ да шуис: «Эн пов, Павел. Ӧні тэ Ерусалимын висьталін Ме йылысь, тадзи тэныд ковмас висьтавны тшӧтш Римын».

Ап. уджъяс 5:19

Войнас Господьлӧн андел восьтіс дзескыдінысь ӧдзӧсъяссӧ да петкӧдіс найӧс сэтысь. Андел шуис налы:

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Римӧ 1:9

Енмыс, кодлы ме став сьӧлӧмӧн кесъяла Сылӧн Пиыс йылысь Бур Юӧр висьталігӧн, тӧдӧ, мый кевмысигӧн ме век казьтывла тіянӧс.

Римӧ 6:22

Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

2 Тимофейлы 1:3

Аттьӧала Енсӧ, кодлы ме кесъяла батьясным моз сӧстӧм сьӧлӧмӧн. Лун и вой кевмысигам ме век казьтывла тэнӧ.

2 Тимофейлы 2:24

Господьлӧн кесйӧг оз вензьы, мӧдарӧ, сійӧ быдӧнкӧд мелі, кужӧ велӧдны да оз дӧзмы.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».