2 Павелӧс вайӧдӧм бӧрын Тертул сувтіс мыжавны:
Кор жугӧдӧма подувсӧ, мый вермас вӧчны веськыда олысь?
Ылӧдчысь мустӧмтӧ мортӧс, кодӧс дойдаліс, леститчан кывйыд бырӧдӧм дасьтӧ.
Коді леститчӧ матыссаыс водзын, тыв зэвтӧ сылӧн коклы.
Вит лун мысти локтісны Ананий аркирей да юрнуӧдысьяс. Накӧд тшӧтш локтіс налӧн Тертул нима дорйысь. Павелӧс мыжалӧмӧн локтысьяс шыӧдчисны юралысь дінӧ.
«Пыдди пуктана Феликс! Быд кадӧ да быдлаын ми бур ногӧн казьтылам тэнӧ. Ми уджйӧзаӧсь тэныд миян лӧньлуна олӧмысь, тэнад тӧждысьӧмысь да войтырлысь олӧмсӧ бурмӧдӧмысь.
Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.
