Ап. уджъяс 24:16 - Коми Библия 2023

¹⁶ Ме век зіля овны Ен водзын да йӧз водзын сӧстӧм сьӧлӧмӧн.

Ап. уджъяс 24:16 Kruisverwysings

Ап. уджъяс 23:1

Павел сюся видзӧдліс веськӧдлан котыр вылӧ да шуис: «Вокъяс! Тайӧ лунӧдзыс ме пыр олі Ен водзын сӧстӧм сьӧлӧмӧн».

Римӧ 2:15

Тайӧ петкӧдлӧ, мый Индӧдсӧ гижӧма налӧн сьӧлӧмас. Буретш та йылысь и висьталӧ налӧн сьӧлӧмыс да мӧвпъясыс, найӧ либӧ мыждӧны, либӧ дорйӧны найӧс.

Римӧ 9:1

Кристос водзын висьтала збыльсӧ, ог пӧръясь – менам сьӧлӧмӧй Вежа Ловкӧд ӧтвылысь вынсьӧдӧны менсьым висьталӧмӧс.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

1 Фессалоникаӧ 2:10

Ті тӧданныд, и Енмыс тӧдӧ, мый тіян дінын, эскысьяс пӧвстын олігӧн, ми ставсӧ вӧчим веськыда да вежавидзӧмӧн, миянӧс нинӧмысь вӧлі мыждынысӧ.

1 Тимофейлы 1:19

Видз эскӧмтӧ да ов сідзи, мед сьӧлӧмыд эз мыжды тэнӧ. Ӧд кодсюрӧ вунӧдісны тайӧс, и налӧн эскӧмыс пасьмуніс.

1 Тимофейлы 1:5

Миян ӧлӧдӧмлӧн медшӧр могыс – радейтӧм. Сійӧ петӧ сӧстӧм да мыжтӧм сьӧлӧмсянь да восьса сьӧлӧмӧн эскӧмсянь.

1 Тимофейлы 3:9

сӧстӧм сьӧлӧмӧн видзасны эскӧмлысь гусяторсӧ.

2 Тимофейлы 1:3

Аттьӧала Енсӧ, кодлы ме кесъяла батьясным моз сӧстӧм сьӧлӧмӧн. Лун и вой кевмысигам ме век казьтывла тэнӧ.

Титлы 1:15

Сӧстӧмлы ставыс сӧстӧм, а пежасьӧмалы да эскытӧмлы нинӧм абу сӧстӧм. Налӧн пежасьӧма вежӧрыс, весиг сьӧлӧмыс.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 13:18

Кевмысьӧй миян вӧсна. Ми тӧдам, мый миян сьӧлӧмным оз мыжды миянӧс, ӧд ми ставсӧ кӧсъям вӧчны веськыда.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

1 Петыр 2:19

Мортыс кӧ тӧд вылас кутӧ Енлысь кӧсйӧмсӧ да нуӧ сьӧкыдсӧ лёксӧ вӧчтӧг – тайӧ шогмана Енмыслы.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.