Ап. уджъяс 24:14 - Коми Библия 2023

¹⁴ Но веськыда висьтала тэныд: ме кутчыся тайӧ велӧдӧмас, мый найӧ шуӧны пӧръясьӧмӧн, тадзи кесъяла миян батьяслӧн Енлы. Ме эска ставас, мый гижӧма Индӧдын да пророк гижӧдъясын.

Ап. уджъяс 24:14 Kruisverwysings

1 Каднебӧг 29:18

Господьӧй, миян Ӧвраам батьлӧн, Исаак батьлӧн да Израиль батьлӧн Ен, нэмъяс чӧж видз Аслад войтырыд сьӧлӧмын тайӧ кӧсйӧмсӧ, веськӧд налысь сьӧлӧмсӧ Ас дінад!

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Матвей 10:32

«Коді оз яндысь Меысь йӧз водзын, сыысь Ме ог яндысь Аслам енэжвыв Бать водзын.

Матвей 22:40

на вылӧ подуласьӧ став Индӧдыс да пророк гижӧдъяс».

Матвей 7:12

Мый кӧсъянныд, медым йӧзыс вӧчисны тіянлы, сійӧс и ті вӧчӧй налы. Тадзи Индӧд да пророк гижӧдъяс велӧдӧны».

Лука 1:70

Тадзи важысянь Сійӧ кӧсйысьліс Аслас вежа пророкъяс пыр.

Лука 16:16

«Индӧдыс да пророкъяс вӧліны Иоанӧдз. Ӧні юӧртӧны Енлӧн Юралӧм йылысь, и быдӧн ёна зільӧ пырны сэтчӧ.

Лука 16:29

Ӧвраам шуис сылы: ”Налӧн эм Мӧисей да пророкъяс, мед найӧс кывзасны”.

Лука 24:27

Мӧисей да пророк небӧгъяссянь Исус пондіс гӧгӧрвоӧдны налы став Гижӧдсьыс Ас йывсьыс шуӧмсӧ.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Иоан 1:45

Филип аддзис Нафанаилӧс да шуис сылы: «Ми аддзим Сійӧс, код йылысь вӧлі висьталӧма Мӧисей Индӧдын да пророк гижӧдъясын. Тайӧ Назаретысь Исус, Ӧсиплӧн пи».

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Ап. уджъяс 13:15

Индӧд да пророк гижӧдъяс лыддьӧм бӧрын синагогаса юралысьяс ыстісны кодсюрӧӧс шуны, вокъяслӧн кӧ эм ышӧдана кыв йӧзыслы, мед висьталасны.

Ап. уджъяс 15:5

Сэки кодсюрӧ эскысьяс, кодъяс кутчысисны фарисейяслӧн велӧдӧмӧ, шуисны, мый ентӧдтӧмъяслы колӧ вундыштчыны да овны Мӧисей Индӧд серти.

Ап. уджъяс 19:23

Сійӧ кадас ”Господь туй” йылысь велӧдӧм понда ыджыд зык кыптіс.

Ап. уджъяс 19:9

Но эскӧм пыдди кодсюрӧ чорзьӧдчисны да став йӧз водзас омӧльтісны ”Господь туй” йылысь велӧдӧмсӧ. Сэки Павел эновтіс тайӧ йӧзсӧ, велӧдчысьясыскӧд муніс сэтысь. Тайӧ кадсяньыс сійӧ быд лун сёрнитіс-велӧдіс Тиранлӧн велӧданінын.

Ап. уджъяс 22:14

Сійӧ шуис меным: ”Миян батьяслӧн Ен бӧрйӧма тэнӧ, медым тэ тӧдін Сылысь кӧсйӧмсӧ, аддзин Веськыда Олысьӧс да кылін Сы вомсянь шуӧмсӧ.

Ап. уджъяс 24:22

Феликс бура тӧдіс ”Господь туй” йылысь велӧдӧмсӧ. Ставсӧ кывзӧм бӧрын сёрнисӧ тупкис да шуис: «Локтас Лисий, сюрс тышкамортӧн веськӧдлысь, сэки ме шуа бӧръя кывсӧ».

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

Ап. уджъяс 25:8

Павел асьсӧ дорйӧм могысь шуис: «Иудей Индӧдлы, крамлы да кесарлы паныд ме некутшӧм мыж эг вӧч».

Ап. уджъяс 26:22

Но Енмыс пыр на отсаліс меным тайӧ лунӧдзыс, та вӧсна ме ӧнӧдз сулала да висьтала быдӧнлы: прӧстӧй и чина йӧзлы. Висьтала сӧмын сійӧ, мый йылысь водзвыв висьтавлісны Мӧисей да пророкъяс. Найӧ висьталісны,

Ап. уджъяс 26:27

Эскан-ӧ, Агриппа ӧксы, пророкъяслы? Тӧда, мый эскан».

Ап. уджъяс 26:4

Менсьым олӧмӧс тӧдӧ став иудейыс, ме ӧд том кадсянь олі ас войтыр пӧвстын Ерусалимын.

Ап. уджъяс 26:6

Ӧні ме сулала ёрд водзын, ӧд лача кута кӧсйысьӧм вылӧ, мый Енмыс сетіс миян батьяслы.

Ап. уджъяс 28:22

Ми кӧсъям кывны, мый тэ ачыд мӧвпалан. Ми тӧдам, мый тайӧ велӧдӧмыслы быдлаын паныд сувтӧны».

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 3:13

Ӧвраамлӧн, Исааклӧн да Яковлӧн Ен, миян батьяслӧн Ен, восьтіс Исус Пиыслысь дзирдлунсӧ. Ті вузалінныд да соссинныд Исусысь Пилат водзын, Пилат ӧд кӧсйис лэдзны Сійӧс.

Ап. уджъяс 5:30

Миян батьяслӧн Ен ловзьӧдіс Исусӧс, кодӧс ті ӧшӧдінныд пу вылӧ да виинныд.

Ап. уджъяс 7:32

”Ме – тэнад батьяслӧн Ен, Ӧвраамлӧн Ен, Исааклӧн Ен да Яковлӧн Ен”. Мӧисейӧс тіралӧм босьтіс, сійӧ эз лысьт весиг видзӧдлынысӧ.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Римӧ 1:9

Енмыс, кодлы ме став сьӧлӧмӧн кесъяла Сылӧн Пиыс йылысь Бур Юӧр висьталігӧн, тӧдӧ, мый кевмысигӧн ме век казьтывла тіянӧс.

Римӧ 3:21

Ӧні Индӧд вылӧ видзӧдтӧг воссис Енлӧн веськыдлуныс. Та йылысь висьталӧ Индӧдыс да пророк гижӧдъяс.

1 Коринфӧ 11:19

Дерт, колӧ, медым ті мӧвпалӧмнад торъялінныд, татшӧм ногӧн воссьӧ, коді тіян пиысь шогмана Енмыслы.

Галатӧ 5:20

идоллы юрбитӧм, тшыкӧдчӧм, лӧгалӧм, пинясьӧм, вежӧгтӧм, скӧралӧм, асьтӧ радейтӧм, юксьӧм, ылӧгвелӧдӧм,

2 Тимофейлы 1:3

Аттьӧала Енсӧ, кодлы ме кесъяла батьясным моз сӧстӧм сьӧлӧмӧн. Лун и вой кевмысигам ме век казьтывла тэнӧ.

Титлы 3:10

Ылӧгас кежӧдысьӧс ӧтчыд да мӧдысь ӧлӧдӧм бӧрын эновт.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».