Ап. уджъяс 22:3 - Коми Библия 2023

³ «Ме ачым иудей, чужи Киликияын Тарс карын, но быдми тані. Гамалиэл дорын менӧ велӧдісны батьяслӧн Индӧдӧ да тіян моз ме чорыда сулалі Ен дор.

Ап. уджъяс 22:3 Kruisverwysings

Ӧксыяслӧн 2 небӧг 21:2

Давид корис Гаваонысь йӧзӧс, мед сёрнитны накӧд. Гаваонсаяс эз вӧвны израильсаясӧн, найӧ петлӧмаӧсь аморей войтырысь. Израильсаяс коркӧ кыв сетлӧмаӧсь, мый оз вӧчны налы лёксӧ. Но Израиль да Иуда войтыр вӧсна Саул кӧсйис бырӧдны найӧс.

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Лука 2:46

Куим лун мысти найӧ аддзисны Исусӧс крамысь. Сійӧ пукаліс велӧдысьяс пӧвстын, кывзіс-юасис найӧс.

Лука 8:35

Йӧзыс петісны видзӧдлыны лоӧмторсӧ. Найӧ локтісны Исус дінӧ да аддзисны сійӧ мортсӧ, код пытшкысь петісны пеж ловъяс. Сійӧ вӧлі ас вежӧрас, пукаліс Исуслӧн кок дорын паськӧма. Йӧзыс ёна повзисны.

Ап. уджъяс 11:25

Сэсся Варнава муніс Тарсӧ корсьны Савлӧс и аддзӧм бӧрас локтіс сыкӧд Антиокияӧ.

Ап. уджъяс 15:23

Накӧд ыстісны татшӧм гижӧд: «Ми, апостолъяс, юрнуӧдысьяс да вокъяс, чолӧмалам тіянӧс, Антиокия карын, Сирия да Киликия муясын ентӧдтӧмъяс пиысь бергӧдчӧм вокъясӧс.

Ап. уджъяс 15:41

Сирия да Киликия муясӧ. Сэні ветлӧдліс да ёнмӧдіс вичкояс.

Ап. уджъяс 21:20

Павелӧс кывзӧм бӧрын юрнуӧдысьяс ошкисны Енмӧс, сэсся шуисны: «Тӧдан, вокӧй, иудейяс дас сюрсъясӧн бергӧдчисны эскӧмас, и ставныс найӧ кутчысьӧны Индӧдӧ.

Ап. уджъяс 21:39

Павел шуис: «Ме иудей, Киликияын нималана Тарс карысь. Кора, лэдз меным кыв шуны йӧзыслы».

Ап. уджъяс 23:34

Сійӧс лыддьӧм бӧрын юралысь юаліс Павеллысь, кытысь сійӧ. Кор тӧдмаліс, мый Павел Киликияысь,

Ап. уджъяс 23:6

Веськӧдлан котырын вӧліны саддукейяс да фарисейяс. Тайӧс казялӧм бӧрын Павел гораа шыасис: «Вокъяс! Ме ачым фарисей, фарисейлӧн пи. Менӧ мыжалӧны сыысь, мый ме эска кулӧмаяслӧн ловзьӧмӧ».

Ап. уджъяс 26:5

Найӧ важысянь тӧдӧны менӧ. Ме вӧлі кутчысьӧма фарисейяслӧн чорыд велӧдӧмӧ да оласногӧ. Та йылысь, кӧсъясны кӧ, асьныс вермасны висьтавны.

Ап. уджъяс 26:9

Ме ачым быд ногыс паныд сувтлі Назаретса Исус нимлы. Чайті, тадзи колӧ вӧлі.

Ап. уджъяс 5:34

Сэки сувтіс веськӧдлан котырысь Гамалиэл нима фарисей, Индӧдӧ велӧдысь, кодӧс пыдди пуктісны став йӧзыс. Сійӧ тшӧктіс кад кежлӧ петкӧдны сэтысь апостолъясӧс.

Ап. уджъяс 6:9

Киринеяысь да Александрияысь сідз шусяна вӧвлӧм кесйӧгъяслӧн синагогаысь кодсюрӧ, нӧшта Киликияысь да Асияысь кодсюрӧ панісны вен Степанкӧд.

Ап. уджъяс 9:1

Савл скӧрысла пыр на пуис Господьлӧн велӧдчысьяс вылӧ, зілис бырӧдны найӧс. Сійӧ локтіс аркирей дінӧ

Ап. уджъяс 9:11

Господь шуис сылы: «Чеччы да мун Веськыд нима туй вылӧ. Юав Иуда керкаысь Тарсын чужлӧм Савл нима мортӧс. Ӧні сійӧ кевмысьӧ.

Ап. уджъяс 9:30

Тайӧс тӧдмалӧм бӧрын вокъяс нуӧдісны Савлӧс Кесарияӧ, сэсянь мӧдӧдісны Тарсӧ.

Римӧ 11:1

Юала: «Енмыс ӧмӧй эновтіс Ассьыс войтырсӧ?» Дерт, эз. Ме ачым израильса, Ӧвраам чужанвужйысь, Венямин чужанкотырысь.

2 Коринфӧ 11:22

Найӧ иудейяс? Ме тшӧтш. Израиль войтыр? Ме тшӧтш. Ӧвраамсянь чужысьяс? Ме тшӧтш.

Галатӧ 1:14

Иудей эскӧмын ме пановті тшӧтшъяясӧс, ме вӧлі чорыда кутчысьӧма батьяслӧн шуӧмӧ.

Галатӧ 1:21

Сэсся ме муні Сирия да Киликия муясӧ.

Индӧд 33:3

Збыльысь Сійӧ радейтӧ Ассьыс войтырсӧ, став вежа войтырыс Сылӧн киын. Сылӧн кок дорын найӧ велӧдчӧны Сылӧн кывъясӧ.