Ап. уджъяс 2:7 - Коми Библия 2023

⁷ Ставныс шензьӧмӧн шензисны, ас костаныс шуалісны: «Абу-ӧ сёрнитысьясыс ставныс Галилеяысьӧсь?

Ап. уджъяс 2:7 Kruisverwysings

Матвей 21:11

Йӧзыс шуалісны: «Тайӧ Исус, галилеяса Назарет карысь Пророк».

Матвей 26:73

Бӧрынджык сэні сулалысьяс матыстчисны да шуисны Петырлы: «Тэ дзик на пиысь, сёрниыд налӧн кодь».

Матвей 8:10

Тайӧ кывъясыс шензьӧдісны Исусӧс. Сійӧ шуис Ас бӧрся мунысьяслы: «Веськыда висьтала тіянлы: татшӧм ыджыд эскӧмсӧ Ме весиг Израильысь эг аддзыв.

Марк 1:27

Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс».

Марк 2:12

Сійӧ дзик пыр чеччис, босьтіс вольпасьсӧ да ставныслӧн син водзын петіс. Йӧзыс шензьӧмӧн ошкисны Енмӧс да шуалісны, татшӧмсӧ пӧ ми эгӧ на аддзылӧй.

Иоан 7:52

Сылы вочавидзисны: «Гашкӧ, тэ тшӧтш Галилеяысь? Лыддьы Гижӧдсӧ да тэ аддзан, мый Галилеяысь пророкыд оз лок».

Ап. уджъяс 1:11

Найӧ шуисны: «Галилея войтыр, мый ті сулаланныд да видзӧданныд енэжас? Ті асланыд синмӧн аддзылінныд Исуслысь енэжӧ кыпӧдчӧмсӧ, тадзикӧн Сійӧ бӧр локтас».

Ап. уджъяс 2:12

Ставныс шензисны да шӧйӧвошӧмӧн ӧта-мӧдныслысь юасисны: «Мый нӧ тайӧ?»

Ап. уджъяс 2:8

Быдӧн тай нӧ ми кылам ас чужан кывнымӧс?

Ап. уджъяс 3:10

Йӧзыс тӧдісны, мый тайӧ вӧлі сійӧ корысьыс, коді пукавліс крамса Мича дзиръя дорын. Тайӧ лоӧмторйыс ёна шензьӧдіс йӧзсӧ, найӧс полӧм босьтіс.