Ап. уджъяс 17:19 - Коми Библия 2023

¹⁹ Сэки босьтісны да вайӧдісны Павелӧс Ареопагӧ. Сэні пондісны юасьны: «Вермам-ӧ ми тӧдны, мыйсяма выль велӧдӧм тэ висьталан?

Ап. уджъяс 17:19 Kruisverwysings

Исай 21:12

Кар видзысь вочавидзӧ налы: «Асылыс матыстчӧ нин, но войыс эз на помась. Кӧсъянныд кӧ нӧшта юавны – бара на волӧй да юалӧй».

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Марк 1:27

Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс».

Иоан 13:34

Выль тшӧктӧм сета тіянлы: радейтӧй ӧта-мӧднытӧ! Кыдзи Ме радейта тіянӧс, сідзи ті радейтӧй ӧта-мӧднытӧ.

Ап. уджъяс 17:20

Мыйкӧ тешкодьтор тэ тэчан миян пельясӧ. Кӧсъям тӧдны, мый тайӧ».

Ап. уджъяс 17:22

Павел сувтіс Ареопаг шӧрӧ да шуис: «Афинса войтыр! Став сертиыс ме аддза, мый ті ёна юрбитысь йӧз.

Ап. уджъяс 17:34

Кодсюрӧ эскисны да ӧтувтчисны Павелкӧд. Тайӧ вӧліны Ареопагысь Дионисий, Дамарь нима ань да мукӧд.

Ап. уджъяс 23:19

Сюрсӧн веськӧдлысь босьтіс том мортӧс киӧдыс, сэсся бокӧ вешйӧмӧн юаліс сылысь: «Мый тэ кӧсъян висьтавны?»

Ап. уджъяс 24:24

Кымынкӧ лун мысти локтіс Феликс Друзилла гӧтырыскӧд. Сылӧн гӧтырыс вӧлі иудей войтырысь. Феликс тшӧктіс вайӧдны Павелӧс, медым кывзыны Исус Кристослы эскӧм йылысь.

Ап. уджъяс 25:22

Агриппа шуис Фестлы: «Ме тшӧтш кӧсъя кывзыштны тайӧ мортсӧ». «Аски кывзыштан», – вочавидзис Фест.

Ап. уджъяс 26:1

Агриппа шуис Павеллы: «Тэ верман сёрнитны ас кузяыд». Павел кисӧ лэптылӧм бӧрын заводитіс дорйысяна сёрнисӧ: