Ап. уджъяс 16:5 - Коми Библия 2023

⁵ Вичкояс ёнмисны эскӧмас, эскысьяслӧн лыдыс лунысь-лун содіс.

Ап. уджъяс 16:5 Kruisverwysings

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Ап. уджъяс 11:21

Господь вӧлі накӧд, та вӧсна унаӧн эскисны да бергӧдчисны Господь дінӧ.

Ап. уджъяс 12:24

А Енлӧн кывйыс ёна паськаліс.

Ап. уджъяс 15:41

Сирия да Киликия муясӧ. Сэні ветлӧдліс да ёнмӧдіс вичкояс.

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Ап. уджъяс 4:4

А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.

Ап. уджъяс 5:14

Тадзи Господьлы эскысьяслӧн лыдыс пыр содіс, на пӧвстын вӧліны айулов и аньяс.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

Галатӧ 5:1

Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.

Колосӧ 2:6

Ті кӧ сибӧдінныд Господь Исус Кристосӧс, сідзкӧ, олӧй Сы пытшкын.

1 Фессалоникаӧ 3:13

Господь мед ёнмӧдас сьӧлӧмнытӧ, медым ті вӧлінныд вежаӧсь да сӧстӧмӧсь Ен Батьным водзын, кор миян Господь Исус Кристос локтас став Аслас вежа войтыркӧд. Аминь.

1 Фессалоникаӧ 3:2

а Тимофей вокнымӧс мӧдӧдам тіян дінӧ. Сійӧ миянкӧд ӧтвыв кесъялӧ Енмыслы, отсалӧ висьтавлыны Кристослысь Бур Юӧрсӧ. Ми мӧдӧдім сійӧс тіян дінӧ, медым ышӧдны тіянӧс да ёнмӧдны эскӧмнытӧ,

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.