Ап. уджъяс 14:22 - Коми Библия 2023

²² Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Ап. уджъяс 14:22 Kruisverwysings

Исай 35:3

Ёнмӧдӧй лигышмунӧм кинытӧ, зумыдмӧдӧй жебмӧм кокнытӧ.

Матвей 10:38

Коді оз босьт ассьыс крестсӧ да оз мун Ме бӧрся, Меным сійӧ оз шогмы.

Матвей 16:24

Исус шуис велӧдчысьясыслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Матвей 19:24

Нӧшта шуа: озырлы Енлӧн Юраланінӧ пырӧм дорысь верблюдлы кокньыдджык пырны ем пысӧд».

Марк 10:30

сылы тайӧ олӧмас на вӧтлӧмъяс дырйи керкаыс, чой-вокыс, мамыс, ныв-пиыс да видз-муыс сё пӧвстӧн бӧр воас, нӧшта локтан нэмас сылы помтӧм олӧм вичмас.

Марк 9:47

Синмыд кӧ ыштӧдӧ тэнӧ, шыбит сійӧс. Бурджык пырны Енлӧн Юраланінӧ син пӧлаӧн ад биӧ тэнӧ синмаӧн шыбитӧм дорысь.

Лука 24:26

Эз-ӧ тайӧ сьӧкыдыс пыр ков мунны Кристослы да пырны Аслас дзирдлунӧ?»

Иоан 15:18

«Муюгыдыс кӧ мустӧмтӧ тіянӧс, тӧдӧй, мый тіянысь водзджык на сійӧ мустӧмтіс Менӧ.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 3:5

Исус вочавидзис: «Веськыда, веськыда висьтала тэныд: мортыс кӧ оз чуж васянь да Ловсянь, сійӧ оз вермы пырны Енлӧн Юраланінӧ.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 11:26

Во чӧж найӧ чукӧртчывлісны сэні эскысьяскӧд да велӧдісны бура уна йӧзӧс. Антиокияын велӧдчысьясӧс медводдзаысь шуисны Кристос войтырӧн.

Ап. уджъяс 11:29

Велӧдчысьяс шуисны отсавны Иудеяын олысь вокъяслы, коді мыйта вермас.

Ап. уджъяс 13:43

Синагогаысь разӧдчигӧн иудейяс да иудей эскӧмӧ бергӧдчысьяс пиысь унаӧн мунісны Павел да Варнава бӧрся. Апостолъяс сёрнитісны накӧд да ышӧдісны, медым кутчысясны Енлӧн буралӧмас.

Ап. уджъяс 14:20

Но кор велӧдчысьяс чукӧртчисны Павел гӧгӧр, сійӧ чеччис да бӧр локтіс карас. Сэсся мӧд луннас Варнавакӧд Павел муніс Дервияӧ.

Ап. уджъяс 14:28

Сэсся дыркодь на олісны найӧ сэтчӧс велӧдчысьяскӧд.

Ап. уджъяс 15:32

Иуда да Сила вӧліны пророкъяс, найӧ ёна ышӧдісны да ёнмӧдісны вокъясӧс.

Ап. уджъяс 15:41

Сирия да Киликия муясӧ. Сэні ветлӧдліс да ёнмӧдіс вичкояс.

Ап. уджъяс 18:23

Сэні олыштӧм бӧрын бара петіс туйӧ, кытшовтіс Галат да Фригия муяс, ёнмӧдіс сэні велӧдчысьясӧс.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Ап. уджъяс 9:16

Ме петкӧдла сылы, мыйта сьӧкыд ковмас нуны сылы Менам ним вӧсна».

Римӧ 8:17

Ми кӧ Енмыслӧн ныв-пи, сідзкӧ, Кристоскӧд босьтам Енсянь вичмӧдӧмасӧ. Сыкӧд ӧтвыв кӧ сьӧкыдсӧ нуам, ӧтвыв Сыкӧд и дзирдлунас лоам.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.

Филипӧ 1:29

Ӧд Енмыс сетіс тіянлы эз сӧмын Кристослы эскыны, тшӧтш Сы понда сьӧкыдсӧ нуны

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

1 Фессалоникаӧ 3:13

Господь мед ёнмӧдас сьӧлӧмнытӧ, медым ті вӧлінныд вежаӧсь да сӧстӧмӧсь Ен Батьным водзын, кор миян Господь Исус Кристос локтас став Аслас вежа войтыркӧд. Аминь.

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

2 Тимофейлы 3:12

Быдӧнӧс, коді кӧсйӧ овны вежа олӧмӧн Исус Кристос пытшкын, пондасны вӧтлыны.

1 Петыр 2:21

Дзик та вылӧ тіянӧс корӧма, ӧд Кристос нуис сьӧкыдсӧ тіян вӧсна. Тадзи Сійӧ петкӧдліс, медым ті олінныд Сы моз.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

1 Петыр 5:9

Сувтӧй сылы паныд зумыд эскӧмӧн. Тӧдӧй, мый став му пасьталаыс вокъясныд тіян моз тшӧтш нуӧны сьӧкыдсӧ.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 2:10

Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.