Ап. уджъяс 13:50 - Коми Библия 2023

⁵⁰ Иудейяс жӧ паныд ыззьӧдісны Енсьыс полысь да пыдди пуктана аньясӧс да карӧн веськӧдлысьясӧс. Найӧ пондісны дзескӧдны Павелӧс да Варнаваӧс, сэсся вӧтлісны асланыс муысь.

Ап. уджъяс 13:50 Kruisverwysings

Ӧксыяслӧн 3 небӧг 21:25

Израильса ӧксыяс пиысь некод эз вӧч Господь водзын сэтшӧм шогмытӧмсӧ, мый Ахав вӧчис. Та вылӧ сійӧс ыззьӧдіс Езавель гӧтырыс.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Амос 7:12

Амасей шуис Амослы: «Тӧдысь-аддзысь, мун Иуда муӧ. Сэні кынӧмпӧттӧ перйы да сэні пророкав,

Матвей 10:23

Ӧти карысь кӧ тіянӧс вӧтласны, пышйӧй мӧдӧ. Веськыда висьтала тіянлы: Израильысь став карсӧ кытшовттӧдзныд на Морт Пи локтас.

Марк 15:43

Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ.

Марк 5:17

Йӧзыс пондісны корны Исусӧс мунны налӧн муысь.

Ап. уджъяс 13:43

Синагогаысь разӧдчигӧн иудейяс да иудей эскӧмӧ бергӧдчысьяс пиысь унаӧн мунісны Павел да Варнава бӧрся. Апостолъяс сёрнитісны накӧд да ышӧдісны, медым кутчысясны Енлӧн буралӧмас.

Ап. уджъяс 13:45

Кор иудейяс аддзисны уна йӧзӧс, тырисны лӧглунӧн. Найӧ пондісны паныд шуасьны да омӧльтны Павеллысь велӧдӧмсӧ.

Ап. уджъяс 14:19

Антиокияысь да Иконияысь локтісны сэтчӧ кодсюрӧ иудейяс. Кор апостолъяс повтӧг бурвисьтавлісны, иудейяс эскӧдісны йӧзсӧ, мед найӧ ылыстчасны апостолъясысь. Иудейяс шуисны: «Налӧн висьталӧмныс абу збыль, найӧ сӧмын пӧръясьӧны». Тадзи найӧ кыпӧдісны йӧзсӧ апостолъяслы паныд, йӧзыс изъялісны Павелӧс да кыскисны кар саяс, чайтісны, мый кулӧма нин.

Ап. уджъяс 14:2

Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм.

Ап. уджъяс 14:4

Йӧзыс карас юксисны кык пельӧ: ӧтияс вӧліны иудейяс дор, мӧдъяс – апостолъяс дор.

Ап. уджъяс 14:5

Ентӧдтӧмъяс да иудейяс асланыс юралысьяскӧд шуисны уськӧдчыны Павел да Варнава вылӧ, медым янӧдны да изъявны найӧс.

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 17:12

На пиысь унаӧн бергӧдчисны эскӧмас, эскисны тшӧтш грек войтырысь уна айулов да пыдди пуктана ань.

Ап. уджъяс 17:13

Кор Фессалоникаын иудейяс кылісны, мый Павел Верияын висьтавлӧ Енлысь кывсӧ, локтісны сэтчӧ да пондісны шызьӧдны сэтчӧс йӧзсӧ.

Ап. уджъяс 17:17

Синагогаын Павел ёна сёрнитіс иудейяскӧд да Енсьыс полысь мукӧд войтыркӧд. Быд лун сійӧ сёрнитіс йӧзыскӧд ывлаын.

Ап. уджъяс 17:4

Кодсюрӧ на пиысь эскисны да ӧтувтчисны Павелкӧд да Силакӧд. Енсьыс полысь грекъяс пиысь да тӧдчана аньяс пиысь тшӧтш унаӧн эскисны.

Ап. уджъяс 18:7

Сэсся Павел муніс Юст ордӧ, сійӧ вӧлі Енсьыс полысь морт. Сылӧн керкаыс сулаліс синагогакӧд орччӧн.

Ап. уджъяс 2:5

Сійӧ кадас Ерусалимын олісны му пасьталаысь локтӧм вежавидзысь иудейяс.

Ап. уджъяс 21:27

Сизимӧд луннас, сӧстӧммӧдчӧм помасигӧн, Асияысь воӧм иудейяс аддзисны Павелӧс крамысь. Найӧ шызьӧдісны став йӧзсӧ да Павелӧс босьтігӧн

Ап. уджъяс 28:17

Куим лун мысти Павел корис иудейяслысь веськӧдлысьясӧс. Кор найӧ чукӧртчисны, Павел шыасис на дінӧ: «Вокъяс, ме нинӧм эг вӧч ас войтырлы паныдсӧ да эг торк батьяслысь оласногсӧ. Но менӧ пуксьӧдісны Ерусалимын дзескыдінӧ да сетісны римсаяслы.

Ап. уджъяс 6:12

Тадзи найӧ кыпӧдісны йӧзсӧ, юрнуӧдысьясӧс да Индӧдӧ велӧдысьясӧс Степанлы паныд. Сэсся босьтісны сійӧс да вайӧдісны веськӧдлан котыр водзӧ.

Ап. уджъяс 8:1

Степанӧс виӧмсӧ Савл лыддис буртор вӧчӧмӧн. Сійӧ лунсяньыс Ерусалимын ёна кутісны вӧтлыны эскысьясӧс. Апостолъясысь кындзи ставныс найӧ разӧдчисны Иудея да Самария пасьтала.

Римӧ 10:2

Ме тӧда, мый налӧн сьӧлӧмыс ӧзъялӧ Енмыслы, но налы оз тырмы гӧгӧрвоӧмлуныс.

2 Коринфӧ 11:26

Ме пыр туйын. Менӧ унаысь сулісны виччысьтӧмторъяс каръясын, овтӧминын, юяс да саридз вылын. Меным унаысь ковмис видзчысьны лёк вӧчысьясысь, ас йӧзысь, мукӧд войтырысь да ылӧгвокъясысь.

1 Фессалоникаӧ 2:14

Вокъяс, мый вӧлі Иудеяын Исус Кристослы эскысь вичкояскӧд, тайӧ лои тшӧтш тіянкӧд. Сэні Ен вичкояс уна сьӧкыд нуисны иудейяссянь, а ті – ас войтырсянь.

2 Тимофейлы 3:11

кор менӧ вӧтлісны да суисны сьӧкыдлунъяс Антиокияын, Иконияын да Листраын. Ме муні сэки ыджыд вӧтлӧмъяс пыр, и Господь ставсьыс менӧ мездіс.