Ап. уджъяс 10:38 - Коми Библия 2023

³⁸ Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 10:38 Kruisverwysings

2 Каднебӧг 17:9

Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг.

Псалтыр 2:2

Мувывса ӧксыяс ӧтувтчӧны, ыджыдалысьяс кыпӧдчӧны Господьлы паныд да Сылӧн Мавтыштӧмалы паныд, шуӧны:

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Матвей 12:15

Кор Исус тӧдмаліс та йылысь, муніс сэтысь. Сы бӧрся вӧтчис уна йӧз. Исус бурдӧдаліс висьысьясӧс

Матвей 12:28

Ме кӧ Ен Лолӧн вӧтлала пеж ловъясӧс, сідзкӧ, Енлӧн Юралӧмыс воис тіянӧдз.

Матвей 9:19

Исус чеччис да муніс велӧдчысьясыскӧд юралысь бӧрся.

Матвей 9:35

Исус ветліс-кытшовтіс став кар-сиктсӧ. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзсӧ быд висьӧм-доймӧмысь.

Марк 6:6

Йӧзлӧн эскытӧмлуныс шензьӧдіс Сійӧс. Исус ветлӧдліс матігӧгӧр сиктъясӧд да велӧдіс йӧзсӧ.

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Лука 9:42

Кор зонка вӧлі матыстчӧ Исус дінӧ, пеж лов шыбитіс зонкаӧс муас да кутіс песлӧдлыны. Исус ӧлӧдіс пеж лолӧс, бурдӧдіс зонкаӧс да сетіс сійӧс батьыслы.

Лука 9:56

Морт Пи эз лок бырӧдны мортлысь олӧмсӧ, Сійӧ локтіс мездыны». Сэсся найӧ мунісны мӧд сиктӧ.

Иоан 10:32

Сійӧ шуис налы: «Батьлӧн тшӧктӧм серти Ме уна бур удж вӧчи тіян пӧвстын. Кутшӧм уджысь нӧ кӧсъянныд изъявны Менӧ?»

Иоан 16:32

Воас кад да воис нин, кор ті ставныд разаланныд, Менӧ ӧтнамӧс колянныд. Но Ме абу ӧтнам, Мекӧд Батьӧй.

Иоан 3:2

Войнас сійӧ локтіс Исус дінӧ да шуис Сылы: «Велӧдысьӧй, ми тӧдам, мый Тэ Енсянь локтӧм Велӧдысь. Тэ моз некод оз вермы вӧчны шензьӧданаторъяссӧ, оз кӧ ло сыкӧд Ен».

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Ап. уджъяс 10:37

Ті тӧданныд, мый вӧлі Галилеяын, сэсся став Иудея пасьтала сійӧ пыртчӧм бӧрын, мый йылысь висьтавліс Иоан.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Еврейяслы 1:9

Веськыдлуныс Тэныд муса, а лёксӧ Тэ мустӧмтан. Та вӧсна Тэнад Енмыд мавтыштіс Тэнӧ, Енмӧй, нимкодьлунӧн мукӧд дорысь ёнджыка на.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.