Ап. уджъяс 1:3 - Коми Библия 2023

³ Сьӧкыда кулӧм бӧрас Сійӧ уна эскӧданторйӧн петкӧдліс налы, мый Сійӧ ловзис. Нелямын лун чӧж Сійӧ петкӧдчывліс да висьтавліс Енлӧн Юралӧм йылысь.

Ап. уджъяс 1:3 Kruisverwysings

Ӧксыяслӧн 3 небӧг 19:8

Илля чеччис да сёйис-юис. Сёйӧм бӧртиыс ёнмыштіс да петіс туйӧ. Нелямын лун да нелямын вой сійӧ муніс Енлӧн Хорив керӧс дорӧдз.

Матвей 21:43

Та вӧсна шуа тіянлы: Енсянь Юралӧмсӧ мырддясны тіянлысь да сетасны войтырлы, коді вайӧ Ен Юралӧмлысь вотӧссӧ.

Матвей 28:9

Туй выланыс аньяскӧд паныдасис Исус да шуис: «Нимкодясьӧй!» Найӧ уськӧдчисны Сы водзӧ да кутчысисны кокас.

Матвей 3:2

«Бергӧдчӧй мыжъяссьыныд! Енэжвыв Юралӧмыс матын».

Матвей 4:2

Нелямын лун да нелямын вой видзалӧм бӧрын Исуслӧн кынӧмыс сюммис.

Марк 16:19

Тайӧс висьталӧм бӧрын Господь кыпӧдчис енэжӧ да пуксис Ен веськыдладорӧ.

Иоан 20:26

Вежон мысти Исуслӧн велӧдчысьясыс бара вӧліны керкаынӧсь, Фома тшӧтш вӧлі накӧд. Ӧдзӧсъясыс вӧліны йиганаӧсь, но Исус сувтіс на шӧрӧ да шуис: «Лӧнь олӧм тіянлы!»

Иоан 21:1

Та бӧрти Исус петкӧдчис велӧдчысьясыслы Тиверия ты дорын. Сійӧ петкӧдчис тадзи.

Иоан 21:14

Тайӧ вӧлі коймӧдысь нин, кор Исус петкӧдчис Аслас велӧдчысьяслы ловзьӧм бӧрас.

Ап. уджъяс 13:31

Уна лун чӧж Сійӧ петкӧдчывліс налы, кодъяс Сыкӧд тшӧтш локтісны Галилеяысь Ерусалимӧ. Ӧні найӧ висьтавлӧны Сы йылысь Израиль войтырлы.

Ап. уджъяс 19:8

Куим тӧлысь чӧж Павел ветлӧдліс синагогаӧ да повтӧг сёрнитіс сэні, эскӧдӧмӧн висьтавліс Енлӧн Юралӧм йылысь.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 28:31

Сійӧ повтӧг да восьсӧн висьтавліс волысьяслы Енлӧн Юралӧм йылысь да велӧдіс Господь Исус Кристос йылысь.

Ап. уджъяс 8:12

Но кор кылісны Енлӧн Юралӧм йылысь да Исус Кристос йылысь Бур Юӧр, эскисны Филиплы, сэсся айулов да аньяс ставныс пыртчисны.

Римӧ 14:17

Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.

Индӧд 9:18

Сэсся ме [мӧдысь] кымынь уськӧдчи Господь водзӧ. Нелямын лун да нелямын вой, кыдзи и водзынсӧ, нянь эг сёйлы ни ва эг юлы тіян мыжныд вӧсна. Ті вӧчинныд Господь [асланыд Ен] водзын шогмытӧмсӧ, тадзи скӧрмӧдінныд Господьӧс.

Индӧд 9:9

Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

1 Иоан 1:1

Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь.