Амос 9:8 - Коми Библия 2023

⁸ Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Амос 9:8 Kruisverwysings

Олӧм 6:7

И шуис Господь: «Бырӧда му вылысь мортӧс, кодӧс Ме вӧчи. Бырӧда йӧзӧс и ыж-мӧскӧс, гаг-веглясьысьясӧс и енэжвыв лэбачьясӧс. Бурджык, эг кӧ вӧчлы найӧс».

Олӧм 7:4

Сизим лун мысти нелямын лун да вой Ме кута кисьтны му вылӧ зэр. Тадзи бырӧда му вылысь Меӧн вӧчӧм став ловъя олысьсӧ».

Ӧксыяслӧн 3 небӧг 13:34

Тайӧ мыжыс вӧсна Еровамлысь рӧдсӧ вӧлі бырӧдӧма му вывсьыс.

Шусьӧгъяс 15:3

Господьлӧн синмыс ставсӧ аддзӧ, лёк йӧзӧс и бур йӧзӧс.

Шусьӧгъяс 5:21

Господь аддзӧ мортлысь туйяссӧ, став туйсӧ сылысь мурталӧ.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Осий 1:4

Господь шуис Осийлы: «Пукты пиыдлы Изреель ним, ӧд Изреель ковтысын вир кисьтӧмысь регыд Ме водзӧс перъя Еху рӧдлысь да пукта пом израильса ӧксыяслӧн юралӧмлы.

Осий 1:6

Гомера бара кутіс нӧбасьны да чужтіс нылӧс. Господь шуис Осийлы: «Пукты сылы Ло-Рухама ним, ӧд водзӧ Ме ог ло бур сьӧлӧма Израиль войтыр дінӧ да ог прӧстит сійӧс.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Амос 3:12

Господь тадзи висьталӧ: – Кыдзи ыж видзысь нетшыштӧ лев вомысь сӧмын ыжлысь коксӧ либӧ пельсӧ, тадзи мездмас сӧмын колясыс сійӧ израильсаясысь, кодъяс Самарияын пукалӧны небыд пуклӧсын, Дамаскысь вайӧм юрлӧсъяс вылын.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Амос 9:10

Шыпурт помысь куласны Менам войтыр пӧвстысь став мыжа йӧзыс, кодъяс шуӧны: «Оз су миянӧс лёкыс, оз во сійӧ миянӧдз!»

Амос 9:4

Вӧрӧг кӧ нуӧдас найӧс пленӧ, и сэні шыпуртлы тшӧкта виавны найӧс. Видзӧдла на вылӧ шог вайӧм могысь, бурсӧ налы ог вай.

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Индӧд 6:15

медым тіян Господь Енлӧн скӧрлуныс оз ыпнит тіян вылӧ, да медым Енмыс оз бырӧд тіянӧс му вывсьыс. Ӧд Господь, тіян Енныд, коді олӧ тіян пӧвстын, вежӧгтысь Ен.