Амос 8:8 - Коми Библия 2023

⁸ На вӧсна ӧд муыс вӧрӧ, му вылын став олысьыс бӧрдӧ. Муыс ставнас ю моз гызьӧ, кыптылӧ да ляпкалӧ Нил ю моз.

Амос 8:8 Kruisverwysings

Псалтыр 18:7

Сійӧ кытшовтӧ енэжсӧ помсянь помӧдзыс, и сылӧн шоныдыс быдӧнӧдз воӧ.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Еремей 12:4

Дыр-ӧ муыс кутас бӧрдны, дыр-ӧ туруныс кутас косьмыны видз вылын? Пемӧс-лэбач кулӧ, ӧд мувывса олысьяс лёксӧ вӧчӧны, шуалӧны, Енмыс пӧ оз аддзы, мый лоӧ миянкӧд.

Еремей 46:7

Коді нӧ Нил ю моз кыпӧдчӧ, ызгысь ва моз кыпӧдчӧ?

Еремей 46:8

Египет кыпӧдчӧ Нил ю моз, ызгӧ визув ва моз. Сійӧ шуӧ: «Ме кыпӧдча да вевття мусӧ, Ме бырӧда каръяс да сэні олысьяссӧ».

Еремей 51:29

Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Осий 4:3

Та вӧсна муыс косьмас, став олысьыс сэні эбӧстӧммас. Зверъяс да енэжвыв лэбачьяс куласны, весиг саридзын чериыс пӧдас.

Амос 8:10

Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Амос 9:5

Ыджыдыс, Господь Саваоф, инмӧдчӧ муас, и муыс вӧрзьылӧ, сэтчӧс став олысьыс бӧрддзӧ. Муыс кыптылӧ Нил моз, ляпкалӧ египетса ю моз.

Наум 1:8

Ыджыд ытваӧн Сійӧ подулӧдзыс жугӧдас Ниневия кар, Ассьыс вӧрӧгсӧ Сійӧ вӧтлас пемыдінӧ.

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.