Амос 8:10 - Коми Библия 2023

¹⁰ Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Амос 8:10 Kruisverwysings

Олӧм 21:16

Ачыс вешйис бокӧ, ньӧввуж лыян ылнаӧ, ӧд эз кӧсйы аддзыны пиыслысь кулӧмсӧ. Агар пуксис да пондіс ырзӧмӧн бӧрдны.

Иов 20:23

Кор сійӧ дзикӧдз пӧтас, Енмыс ыстас сы вылӧ Ассьыс ыпъялан скӧрлунсӧ, зэр моз кисьтас сы вылӧ ярлунсӧ.

Иов 3:5

Мед шымыртас сійӧс пемыдыс, лэччас сы вылӧ сап пемыдыс, мед вевттяс сійӧс сьӧд кымӧрыс, мед повзьӧдас сійӧс шонділӧн кусӧмыс.

Иов 30:31

Менам гуслиӧй бӧрдан шы лэдзӧ, пӧлянӧй шог сьыланкыв ворсӧ.

Исай 3:24

Сион, тэнад айуловыд куласны шыпуртысь, тэнад тышкайӧзыд усясны тышын.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Бӧрданкыв 5:15

Кусі сьӧлӧманым нимкодьлуныс, йӧктӧм пыдди ми бӧрдам.

Езекиль 7:18

Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.

Езекиль 7:2

– Морт пиӧй, [висьтав, мый] Господь Ыджыдыс тадзи висьталӧ: Израиль мулы воис пом. Мусӧ помсянь помӧдз лоӧ бырӧдӧма.

Осий 2:11

Ме пукта пом сылӧн нимкодясьӧмлы, гажӧдчан да шойччан лунъяслы, выль тӧлысь пасйӧмлы.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Йоиль 1:8

Пасьталӧй шогалан паськӧм, бӧрдӧй верӧспусӧ воштӧм том ныв моз.

Левит 13:40

Кушмӧм юр пыдӧса морт сӧстӧм.

Амос 5:21

Ме мустӧмта гажӧдчан лунъяснытӧ, зывӧкта гажӧдчыны чукӧртчӧмнытӧ.

Амос 5:23

Ылыст Ме дінысь гора сьыланкывъястӧ, арфа шыястӧ Ме ог кӧсйы кывзыны.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Индӧд 16:14

Гажӧдчӧй ныв-пиныдкӧд, кесйӧгъясныдкӧд, левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян карын.