Амос 7:17 - Коми Библия 2023

¹⁷ Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Амос 7:17 Kruisverwysings

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Исай 13:16

Налысь кагаяссӧ пасьвартасны налӧн син водзын, керкаяссӧ куштасны, гӧтыръяссӧ мырдӧналасны.

Исай 22:18

гартыштас тэнӧ тубрасӧ да мачӧс моз шыбитас паськыд муӧ. Сэні тэ кулан, сэтчӧ колясны тэнад ошйысян тарантасъясыд, аслад ыджыдлӧн керкалы тэ лоан юръянӧдысьӧн.

Еремей 14:16

Сійӧ войтырыс, кодъяслы найӧ пророкалӧны, тшӧтш куласны тшыгъялӧм да шыпурт помысь. Найӧс шыбитасны ерусалимса уличьяс вылӧ, и некод оз дзеб найӧс ни налысь гӧтыръяснысӧ да налысь ныв-пинысӧ. Налысь лёк вӧчӧмнысӧ Ме бергӧда ас выланыс».

Еремей 20:6

Тшӧтш тэнӧ, Пашхур, и став тэнсьыд гортсатӧ нуӧдас пленӧ. Тэ мунан Вавилонӧ да сэні кулан, и сэні гуаласны тэнӧ. Тадзи лоӧ тшӧтш тэнад ёртъясыдкӧд, кодъяслы тэ ылӧдлӧмӧн пророкалін”».

Еремей 28:12

Сы бӧрти, кор Хананей пророк жугӧдіс Еремей пророк сьылі вылысь сийӧссӧ, Еремейлы вӧлі Господьсянь кыв:

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Еремей 29:21

Колайлӧн Ахав пи йылысь да Маасейлӧн Седекей пи йылысь, кодъяс ылӧгсӧ юӧртӧны Менам нимсянь, Ме, Господь Саваоф, Израильлӧн Ен, тадзи висьтала: Ме сета найӧс вавилонса Навукодоносор ӧксы киӧ, и сійӧ виас найӧс тіян син водзын.

Еремей 29:25

«Господь Саваоф, Израильлӧн Ен, тадзи висьталӧ: аслад нимсянь тэ мӧдӧдлін гижӧдъяс ерусалимса став войтырыслы, Софоний поплы, Маасейлӧн пиыслы, да мукӧд попъяслы. Тэ вӧлі гижӧмыд:

Бӧрданкыв 5:11

Дзескӧдысьяс мырдӧналӧны аньясӧс Сионын, янӧдӧны нывъясӧс Иуда каръясын.

Езекиль 4:13

Господь шуис: «Тадзи Израиль пиян тшӧтш кутасны сёйны пеж нянь войтыръяс пӧвстын, кытчӧ вӧтла-разӧда найӧс».

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Амос 6:7

Та вӧсна ті медводдзаясӧн мунанныд пленӧ – помасяс жуйвидзысьяслӧн гажӧдчӧмыс!

Амос 7:11

Амос весиг шуис, мый Еровам кулас шыпурт помысь, а Израиль войтырӧс нуӧдасны пленӧ».

Амос 8:1

Господь Ыджыдыс петкӧдліс меным кисьмӧм яблӧг-груша тыра куд.

Амос 9:1

Ме аддзылі висьпуктанін дорын сулалысь Господьӧс. Сійӧ шуис: – Кучкы вылісяньыс сюръяясӧ, медым ӧдзӧс тагӧсъяс вӧрзясны. Пӧрӧд сюръяяссӧ йӧзыслы юр выланыс. Коді ловйӧн кольӧ, сійӧс Ме шыпуртӧн виа – некод оз вермы пышйыны-мездысьны.

Амос 9:8

Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.

Закар 14:2

– Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.