Амос 6:6 - Коми Библия 2023

⁶ Вись ваян дозйысь ті юанныд вина, мавтчанныд медбур мавтасъясӧн. Но тіянлы веськодь, мый Ӧсиплысь рӧдсӧ суас бырӧдӧм.

Амос 6:6 Kruisverwysings

Олӧм 49:22

Ӧсип – ю весьтын быдмысь вотӧса пулӧн вож, быдмӧ-кыпӧдчӧ стен пӧлӧн.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Эсфир 3:15

Гижӧд нуысьяс тэрмасьӧмӧн мунісны паськӧдны ӧксылысь тшӧктӧмсӧ. Юӧртісны тшӧтш Суза изкарын. Ӧксы да Аман пуксисны юны-гажӧдчыны, а Суза кар ёна шызис.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Еремей 30:7

Сійӧ луныс лоӧ зэв повзьӧдана, сэтшӧм луныс эз на вӧвлы! Яковсянь чужысьяслы сійӧ луныс лоӧ сьӧкыд, но найӧ мездмасны.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Осий 3:1

Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

Амос 2:8

Уджйӧзӧн сетӧмысь коньӧръяслысь босьтӧны паськӧм, сы вылын куйлӧны быд висьпуктанін дорын, юрбитанінын юӧны мыжалӧм йӧзлысь перйӧм винасӧ.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Иоан 12:3

Марья босьтіс литра джын зэв дона нард вый да мавтіс Исуслысь коксӧ, сэсся чышкаліс найӧс юрсинас. Керкаас ӧвтіс чӧскыд дукӧн.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

1 Тимофейлы 5:23

Гырк пытшкӧс висьӧмыд да тшӧкыда нёрпалӧмыд вӧсна ваысь ӧтдор юышт тшӧтш винатор.