Амос 5:8 - Коми Библия 2023

⁸ Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!

Амос 5:8 Kruisverwysings

Иов 12:22

Сійӧ восьтӧ джуджыд пемыд гуяс, сап пемыдсӧ югыдӧ петкӧдӧ.

Иов 37:13

Енмыс ыстӧ найӧс, медым мыждыны мусӧ, и ыстӧ, медым бурсьӧлӧмтчыны.

Иов 38:34

Верман-ӧ тэ горӧдны кымӧръяслы, медым найӧ ыльӧбтасны тэ вылӧ сувтса зэр?

Иов 9:9

Сійӧ вӧчис-артмӧдіс Сизима, Куима да Корӧся кодзув чукӧръяс, тшӧтш лунвыв кодзувъяс.

Псалтыр 104:20

Египетса ӧксы мездіс сійӧс дорӧмысь, войтыръяслӧн юралысь лэдзис сійӧс дзескыдінысь.

Псалтыр 105:28

Сьӧлӧмнаныс найӧ сирасисны Ваал-Пеор ен дінӧ, сёйисны идолъяслы вайӧм висьяс.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 59:10

Синтӧм моз ми ветлам стен пӧлӧн, аддзытӧм моз ми ветлӧдлам кималасӧн, лунъюгыднас ми крукасьлам пемыдас моз, ловъяяс пӧвстын ми кулӧмаяс кодьӧсь.

Еремей 16:21

– Та вӧсна Ме ӧні петкӧдла налы Ассьым вынӧс да кыпӧдӧм киӧс, и найӧ тӧдмаласны, мый Менам нимӧй – Господь.

Еремей 33:2

«Господь тадзи висьталӧ: Ме вӧчи мусӧ, сеті сылы мыгӧр да зумыдмӧді сійӧс. Менам нимӧй – Господь.

Амос 4:13

Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Амос 9:6

Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!

Матвей 4:16

Пемыдын олысь войтыр яр биа югыд аддзис, кулӧмыслӧн вуджӧр улын олысьяслы югыд кыа петіс.

Лука 1:79

сетас югыдсӧ пемыдын олысьяслы, кулӧмыслӧн вуджӧр улын пукалысьяслы, Сійӧ веськӧдас кокнымӧс лӧньлуна туй вылӧ.