Амос 3:6 - Коми Библия 2023

⁶ Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Амос 3:6 Kruisverwysings

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Ӧксыяслӧн 4 небӧг 6:33

Налӧн сёрнитігкості пырис на дінӧ ӧксылӧн мӧдӧдӧм мортыс да шуис, кыдзи ӧксы тшӧктіс: «Тайӧ ыджыд шогсӧ ыстіс миянлы Господь! Мый меным водзӧ виччысьны Сысянь?»

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Еремей 4:5

Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Езекиль 33:3

аддзас локтысь тышкайӧзӧс да кутас буксыны, медым ӧлӧдны войтырӧс.

Осий 5:8

Буксӧй буксанӧн Гиваын, тутсӧй трубаӧ Рамаын! Юӧртӧй Бет-Авенын: «Венямин, локтӧ вӧрӧгыд!»

Амос 3:5

Шедас ӧмӧй пӧтка лэчкӧ, оз кӧ некод лэчсӧ окты? Вӧрзьылас ӧмӧй дзугйыс, нинӧм кӧ сэтчӧ оз шед?

Софоний 1:16

Сійӧ лунӧ чукӧстас буксан шы, и тышкайӧз горӧдӧмӧн уськӧдчасны изкаръяс вылӧ, джуджыд башняяс вылӧ.

Закар 8:10

Сыӧдз эз вермыны мынтысьны уджалысьлы, нинӧмӧн вӧлі вердны ыж-мӧскӧс. Ме кыпӧді йӧзӧс ӧта-мӧдныслы паныд, дзескӧдӧм вӧсна найӧ полісны петны ывлаӧ.

Ап. уджъяс 2:23

Енлӧн шуӧм серти Сійӧс вӧлі сетӧма тіян киӧ. Индӧдтӧг олысьяс киӧн ті Сійӧс тувъялінныд-виинныд.

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

2 Коринфӧ 5:11

Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.