Амос 2:9 - Коми Библия 2023

⁹ Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Амос 2:9 Kruisverwysings

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

1 Каднебӧг 1:14

Ханаан рӧдысь петісны тшӧтш евуссаяс, аморейяс, гергесейяс,

Иов 18:16

Сылӧн вужйыс косьмас улісяньыс, а вожъясыс – вылісяньыс.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 34:11

Олӧй сы серти, мый ӧні тшӧкта тіянлы. Ме вӧтла тіян водзысь аморейясӧс, ханаансаясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Исай 10:33

Ӧні Ыджыдыс, Господь Саваоф, ыджыд вынӧн нетшкӧ пу вожъяс. Ыджыд пуяссӧ лоӧ кералӧма, джуджыд пуяс усясны.

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Езекиль 17:9

Шу Израиль войтырлы, мый Господь Ыджыдыс тадзи висьталӧ: – Мый лоас виноград пуыскӧд? Сылысь вужсӧ перъясны, вотӧссӧ нетшкасны, вожъясыс да петасъясыс косьмасны. Пуыс ставнас косьмас, и оз ков ыджыд вын, оз ков уна йӧз, медым сійӧс нетшыштны.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Лыд 32:13

Господь скӧрмис Израиль войтыр вылӧ да нелямын во чӧж нуӧдіс найӧс овтӧминті, кытчӧдз эз кувны ставныс, кодъяс вӧчисны Господь водзын шогмытӧмсӧ.

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Индӧд 3:11

Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.