Амос 1:6 - Коми Библия 2023

⁶ Господь тадзи висьталӧ: – Газа карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд уна войтырӧс нуӧдісны пленӧ, вузалісны найӧс эдом войтырлы.

Амос 1:6 Kruisverwysings

2 Каднебӧг 28:18

Филистимсаяс уськӧдчисны керӧсбердса муын да Негевын сулалысь Иуда каръяс вылӧ. Найӧ босьтісны Бет-Шемеш, Аялон да Гедерот каръяс, тшӧтш Соко, Тимна да Гимзо каръяс да нагӧгӧрса сиктъяс и овмӧдчисны сэтчӧ.

Еремей 47:1

Сыӧдз, кор фараон эз на пазӧд Газа кар, филистимсаяс йылысь Еремей пророклы вӧлі Господьсянь кыв:

Езекиль 35:5

Тэ важысянь мустӧмтан Израиль войтырӧс. Налӧн шог дырйиныс, найӧс мыждан кадӧ, тэ лэптін на вылӧ шыпурттӧ.

Йоиль 3:4

Тир, Сидон да Филистим му, мый ті Месянь кӧсъянныд? Гашкӧ, ті кӧсъянныд водзӧс перйыны Менсьым? Тадзи кӧ, регыд Ме бергӧда водзӧс перйӧмнытӧ ас выланыд.

Йоиль 3:6

Иудаын да Ерусалимын олысьясӧс ті вузалінныд грек войтырлы, медым ылӧджык нуӧдны найӧс чужан мусьыныс.

Амос 1:11

Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Амос 1:7

Та понда Газа карлысь стенъяссӧ Ме биӧн сота, сылысь изкарсӧ би ньылыштас.

Амос 1:9

Господь тадзи висьталӧ: – Тир карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд пленӧ босьтӧмаясӧс вузалісны эдом войтырлы, вокыскӧд кӧрталӧм йитӧдсӧ вунӧдісны.

Авдий 1:11

Кор локтысь йӧз нуӧдісны пленӧ Яковлысь тышкайӧзсӧ, кор йӧз муысь локтысьяс пырисны дзиръяӧд Ерусалимӧ да пудъясисны Ерусалим вӧсна, сійӧ лунӧ тэ сулалін бокын, тэ вӧлін на кодь жӧ.

Закар 9:5

Тайӧс аддзӧмысь Аскалон повзяс, Газа ёна тіравны пондас, Экронӧс тшӧтш тіралӧм босьтас, ӧд сылӧн лачаыс серамтуйын лоӧ. Газаысь ӧксыӧс петкӧдасны, Аскалонын олысьыс оз ло,

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Ӧксыяслӧн 1 небӧг 6:17

Зарниысь вӧчӧм мыльяссӧ филистимсаяс вайисны Господьлы мыж вештан вись пыдди вит филистимса кар вӧсна: Азот, Газа, Аскалон, Геф да Экрон каръяс вӧсна.