Амос 1:5 - Коми Библия 2023

⁵ Дамасклысь иганъяссӧ жугла, бырӧда Авен ковтысын юралысьӧс, Бет-Эденын юралан бедьсӧ кутысьӧс. Арам войтырӧс пленӧ нуӧдасны Кирӧ, – висьталӧ Господь.

Амос 1:5 Kruisverwysings

Ӧксыяслӧн 4 небӧг 14:28

Еровам ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ. Сэтчӧ нӧшта гижӧма, кыдзи Еровам тышкасис да бӧр бергӧдіс Израильлы Дамаск да Хамат каръяс, кодъяс коркӧ вӧліны Иуда чужанкотырлӧн кипод улынӧсь.

Ӧксыяслӧн 4 небӧг 16:9

Ассурса ӧксы вӧчис Ахазлӧн корӧм серти. Сійӧ уськӧдчис Дамаск кар вылӧ да босьтіс сійӧс. Олысьяссӧ нуӧдіс Кирӧ, а Рецинӧс виис.

Исай 22:6

Эламса тышкайӧз босьтісны ассьыныс ньӧвъяссӧ, быдлаын тарантасъяс да верзьӧмаяс. Кирса шыпуртаяс лэптӧмаӧсь ассьыныс сайӧднысӧ.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Исай 8:4

Ӧд сійӧ кадӧдзыс на, кор тайӧ кагаыс велалас ”бать” да ”мам” кывъяс шуны, Дамаскысь озырлунсӧ да Самарияысь эмбурсӧ ваясны ассурса ӧксы водзӧ».

Еремей 50:36

Шыпурт кыпӧдӧма больгысьяс весьтӧ, и найӧ йӧймасны. Шыпурт кыпӧдӧма вавилонса тышкайӧз весьтӧ, и найӧ шӧйӧвошасны.

Еремей 51:30

Вавилонса тышкайӧз дугдісны тышкасьны, найӧ пукалӧны асланыс изкаръясын. Найӧ вынтӧммисны, лоины аньяс кодьӧсь. Налысь керкаяснысӧ сотӧма, дзиръя иганъяссӧ жуглӧма.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Езекиль 27:23

Харан, Кане да Эден, Сава, Ассур да Килмад вузасисны тэкӧд.

Езекиль 30:17

Он да Пи-Бешет каръясысь том айулов куласны шыпурт помысь, а мукӧдсӧ босьтасны пленӧ.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Амос 5:5

Энӧ Вефильысь Менӧ корсьӧй, энӧ мунӧй юрбитны Галгалӧ, энӧ ветлӧдлӧй Бер-Шеваӧ. Ӧд Галгалын олысьясӧс пленӧ нуӧдасны, Вефиль нинӧмӧдз воас.

Амос 9:7

– Израиль войтыр, Меным ті ӧткодьӧсь Эфиопия войтыркӧд, – висьталӧ Господь. – Израильӧс Ме петкӧді Египет муысь, филистимсаӧс – Кафторысь, арамейясӧс – Кирысь.

Наум 3:13

Тэнад тышкайӧзыд аньяс кодьӧсь, тэнад муын дзиръяясыд гурйыв восьсаӧсь вӧрӧгыдлы, биыс сотӧма тэнсьыд тасъястӧ.