Амос 1:12 - Коми Библия 2023

¹² Та понда Теман карӧс Ме биӧн сота, Восора изкарӧс би ньылыштас.

Амос 1:12 Kruisverwysings

Олӧм 36:11

Элифазлӧн пияныс: Теман, Омар, Цефо, Гатам да Кеназ.

Олӧм 36:33

Сэсся Белай кулӧм бӧрын кутіс ӧксыавны Восораысь Зерахлӧн Иовав пиыс.

1 Каднебӧг 1:44

Сэсся Белай кулӧм бӧрын кутіс ӧксыавны Восораысь Зерахлӧн Иовав пиыс.

Исай 34:5

– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Исай 63:1

– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Еремей 49:20

Кывзӧй, мый Господь шуис Эдом йылысь, мый шуис вӧчны Теманын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»

Аввакум 3:3

Енмыс локтӧ Темансянь, Вежа Ен локтӧ Паран керӧссянь. Сылӧн дзирдлуныс вевттьӧ енэжсӧ, Сійӧс ошкӧмыс тыртӧ мусӧ.