Аггей 2:9 - Коми Библия 2023

⁹ Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Аггей 2:9 Kruisverwysings

Исай 60:7

Кедарысь став ыжсӧ вайӧдасны тэ дінӧ, Невайотысь межъяс лоӧны тэнад киынӧсь. Менам висьпуктанін вылын найӧс ваясны вись пыдди, найӧ лоӧны Меным шогмана висьӧн, и Ме нимӧда Ассьым дзирдлуна крамӧс.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Езекиль 43:5

Лов кыпӧдіс менӧ да нуӧдіс пытшкӧс йӧрӧ. Ме аддзи, мый Господьлӧн дзирдлуныс тыртіс крамсӧ.

Микей 5:5

Сійӧ ваяс лӧнь олӧм. Кор ассурса тышкайӧз пырасны миян муӧ да кутасны талявны миянлысь изкаръяс, ми кыпӧдам налы паныд сизим веськӧдлысьӧс, кӧкъямыс юралысьӧс.

Аггей 1:8

Кайӧй керӧс вылӧ, вайӧй сэтысь пуяс да Менӧ пыдди пуктӧм могысь лэптӧй Менам сьӧлӧм серти крам, – висьталӧ Господь.

Аггей 2:3

– Коді тіян пӧвстысь аддзыліс воддза крамлысь мичлунсӧ? Кутшӧмӧн ті ӧні аддзанныд сійӧс? Абу-ӧ сійӧ тіян син водзын нинӧм кодь?

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Яков 2:1

Вокъяс, ті эсканныд Исус Кристослы, миян дзирдлуна Господьлы. Сідзкӧ, энӧ торйӧдӧй йӧзсӧ чужӧм вылӧ видзӧдӧмӧн.