Аггей 1:4 - Коми Библия 2023

⁴ – Тіянлы ӧмӧй кад овны мичмӧдӧм керкаясын, кор тайӧ крамсӧ пазӧдӧма?

Аггей 1:4 Kruisverwysings

Ӧксыяслӧн 2 небӧг 7:2

Ӧтчыд ӧксы шуис Нафан пророклы: «Кывзы, ме ачым ола сус пуысь вӧчӧм керкаын, а Енлӧн кудйыс сулалӧ чомйын».

Ӧксыяслӧн 4 небӧг 5:26

Елисей шуис сылы: «Ме ӧд ловнам вӧлі тэкӧд, кор Нееман чеччис тарантассьыс да петіс тэныд воча. Ӧні абу сійӧ кадыс, мед босьтны эзысь, паськӧм, олив пуяс да виноград йӧръяс, ыж-мӧскӧс да кесйӧг пыдди йӧзӧс.

Псалтыр 102:14

Сійӧ тӧдӧ, мыйысь вӧчӧма миянӧс, Сійӧ оз вунӧд, мый ми – сӧмын бус чиръяс.

Псалтыр 74:7

Ӧд мортсӧ вылӧ кыпӧдӧмыс оз во асыввывсянь, рытыввывсянь либӧ овтӧминсянь,

Еклесиаст 3:3

эм кад виавны и бурдӧдавны, жуглыны и тэчны,

Еремей 22:14

Сійӧ шуалӧ, ме пӧ кыпӧда аслым ыджыд керка, вӧча ыджыд жыръяс. Сійӧ вӧчӧ ӧшиньяс, эжӧ керкасӧ сус пуӧн да мавтӧ сійӧс гӧрд краскаӧн.

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Еремей 33:10

Господь тадзи висьталӧ: ті шуаланныд, мый тайӧ муыс – овтӧмин, тані морт ни ыж-мӧс оз ов. Но тані, иудаса каръясын да ерусалимса уличьяс вылын, кодъяс ӧні кушӧсь, кӧні абу морт ни ыж-мӧс, бара кутас кывны

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Бӧрданкыв 2:7

Ассьыс висьпуктанінсӧ Господь эновтіс, Ассьыс вежаинсӧ колис. Вӧрӧг киӧ сетіс Сион карлысь стенъяссӧ. Гажӧдчан лунӧ моз вӧрӧг кыпӧдіс гора шы Господьлӧн керкаын.

Бӧрданкыв 4:1

Кутшӧма чусмӧма зарниыс, сӧстӧм зарни воштӧма дзирдсӧ! Вежаинысь изъяссӧ шыблалӧма туйвежъясӧ.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Аггей 1:3

Та вӧсна Аггей пророк пыр вӧлі Господьсянь кыв:

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Аггей 1:9

– Ті виччысянныд уна, а чукӧртанныд этша. Мый ваянныд гортаныд – сійӧс Ме шердъя. Мыйла тадзи артмӧ? – висьталӧ Господь Саваоф. – Сы вӧсна, мый Менсьым крамӧс пазӧдӧма, а ті асланыд керкаяс вӧсна тӧждысянныд.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.