3 Иоан 1:8 - Коми Библия 2023

⁸ Миянлы колӧ сибӧдны татшӧмъяссӧ, ӧд тадзи вӧчигӧн ми накӧд ӧтвыв кесъялам збыльыслы.

3 Иоан 1:8 Kruisverwysings

Матвей 10:14

Оз кӧ сибӧдны-кывзыны тіянӧс, сэки сійӧ керкасьыс либӧ карсьыс петіганыд пыркӧдӧй коксьыныд буссӧ.

Матвей 10:40

Тіянӧс сибӧдысь Менӧ сибӧдӧ, а Менӧ сибӧдысь сибӧдӧ Менӧ Мӧдӧдысьӧс.

Лука 11:7

Мӧдыс воча шуас ӧдзӧс сайсяньыс: ”Эн дӧзмӧдчы. Ме йигнаси нин, и ныв-пиӧй узьӧны нин. Ог вермы чеччыны няньтӧ сетны”.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

2 Коринфӧ 8:23

Шуны кӧ Тит йылысь, сійӧ – менам уджъёрт, сыкӧд ӧтвыв ми кесъялам тіянлы. Мукӧд вокъяссӧ мӧдӧдісны вичкояс, и налӧн олӧмыс нимӧдӧ Кристосӧс.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Колосӧ 4:11

Чолӧм Исуссянь, кодӧс нимтӧны Юстӧн. Вундыштчӧмаяс пиысь сӧмын найӧ вӧчӧны мекӧд Ен Юралӧмлысь уджсӧ да вайӧны меным нимкодьлун.

1 Фессалоникаӧ 3:2

а Тимофей вокнымӧс мӧдӧдам тіян дінӧ. Сійӧ миянкӧд ӧтвыв кесъялӧ Енмыслы, отсалӧ висьтавлыны Кристослысь Бур Юӧрсӧ. Ми мӧдӧдім сійӧс тіян дінӧ, медым ышӧдны тіянӧс да ёнмӧдны эскӧмнытӧ,

Филимонлы 1:2

Чолӧмалам дона Апфия чойӧс да миянкӧд ӧтвыв вермасьысь Аркип ёртӧс да сы ордын чукӧртчысь эскысьясӧс.

Филимонлы 1:24

Марк, Аристарк, Димас да Лука, менам уджъёртъясӧй, тшӧтш ыстӧны чолӧм.

3 Иоан 1:10

Та вӧсна, кор ме локта, казьтышта сылы уджъясыс йылысь: сійӧ ӧд паськӧдӧ миян йылысь лёк сёрни. Но тайӧ этша на, сійӧ вокъясӧс оз сибӧд, тшӧтш мукӧдыслы оз лэдз тайӧс вӧчны. А сибӧдны кӧсйысьясӧс весиг вӧтлӧ вичкосьыс.

3 Иоан 1:7

Найӧ Кристос ним вӧсна петісны туйӧ, нинӧм эз босьтны ентӧдтӧмъяслысь.

3 Иоан 1:9

Ме гижлі вичкоас, но сэні асьсӧ ыджыдӧ пуктысь Диотреф оз кывзы миянӧс.