2 Тимофейлы 4:18 - Коми Библия 2023

¹⁸ Тӧда, Сійӧ видзас менӧ став лёксьыс, мездас да вайӧдас Аслас енэжвыв Юраланінӧ. Ошкӧм Сылы нэмъяс чӧж! Аминь.

2 Тимофейлы 4:18 Kruisverwysings

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

1 Каднебӧг 4:10

Явис шыасис Израильлӧн Ен дінӧ: «Енмӧй, Тэ кӧ эськӧ бурсиин менӧ да ыдждӧдін менсьым муӧс, Тэнад киыд кӧ эськӧ кутыштіс менӧ да видзис, медым лёкыс эз су менӧ!» И Енмыс мӧдӧдіс Явислы сійӧ, мый корис.

Псалтыр 121:7

Тэнад карса стенъяс вылын мед лоӧ лӧнь олӧм, тэнад изкарын – бур олӧм.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Матвей 13:43

Веськыда олысьяс сэки Батьныслӧн Юраланінын шонді моз кутасны югъявны. Кодлӧн эм пель, мед кылӧ!»

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Лука 11:4

И прӧстит миянлысь мыжъяснымӧс, ӧд ми прӧститам миян водзын мыжаясӧс. Эн сет миянлы ылавны, но видз миянӧс омӧльысь».

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Лука 22:29

Та вӧсна Ме сета тіянлы Юралӧм, кыдзи Батьӧй сетіс Меным.

Иоан 17:15

Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

Римӧ 11:36

Ӧд ставыс Сысянь, Сы пыр да Сылы. Ошкӧм Сылы нэмъяс чӧж! Аминь.

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

1 Коринфӧ 10:13

Тіянӧс кӧ суис сьӧкыдлун, тайӧ быд морткӧд вермӧ лоны. Но Енмыс эскана, Сійӧ оз сет сьӧкыдсӧ вынысь унджык нуны. Мӧдарӧ, сьӧкыдлун дырйи Сійӧ индас тіянлы петан туй, да ті венанныд сьӧкыдсӧ.

1 Коринфӧ 15:50

Вокъяс, кӧсъя висьтавны тіянлы, мый тайӧ мувывса вир-яйлы оз вичмы Енлӧн Юраланіныс, ӧд тайӧ вир-яйыс сісьмана.

2 Коринфӧ 1:10

Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.

Галатӧ 1:5

Ошкӧм Сылы нэмъяс чӧж! Аминь.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

2 Фессалоникаӧ 3:3

Но Господь эскана, Сійӧ ёнмӧдас тіянӧс да видзас омӧльысь.

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Тимофейлы 4:1

Ен водзын да Господь Исус Кристос водзын, коді кутас мыждыны ловъяясӧс да кулӧмаясӧс, Сылысь локтӧмсӧ да Юралӧмсӧ тӧд вылын кутӧмӧн кора тэнӧ:

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

1 Петыр 5:11

Сылы ошкӧмыс, Сылӧн ыджыдалӧмыс нэмъяс чӧж! Аминь.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Ӧксыяслӧн 1 небӧг 17:37

Давид водзӧ сёрнитіс: «Господь, коді мездыліс менӧ левъясысь да ошъясысь, мездас менӧ тшӧтш тайӧ филистимсаысь». Сэки Саул шуис Давидлы: «Мун, Господь мед лоас тэкӧд».

Ӧксыяслӧн 1 небӧг 25:39

Давидлы кывсис, мый Навал кулӧма, сэки шуис: «Ошкӧм Господьлы, коді мынтысис Наваллы менӧ янӧдӧмысь. Господь видзис менӧ, Ассьыс кесйӧгсӧ, лёк вӧчӧмысь, Сійӧ бергӧдіс лёксӧ Навал вылӧ». Сэсся Давид ыстіс йӧзӧс Авигея дінӧ, мед висьтавны, мый босьтӧ сійӧс гӧтырӧ.