2 Тимофейлы 4:10 - Коми Библия 2023

¹⁰ Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.

2 Тимофейлы 4:10 Kruisverwysings

Матвей 12:32

Коді лёкӧдас Морт Пиӧс, сійӧс лоӧ прӧститӧма. Но коді лёкӧдас Вежа Лолӧс, сійӧс оз ло прӧститӧма тайӧ олӧмас, весиг локтанаас».

Матвей 26:56

Ставыс тадзи лои, медым инісны пророк гижӧдъяс». Сэки велӧдчысьяс ставныс эновтісны Исусӧс да пышйисны.

Лука 14:33

Ті кӧ онӧ кольӧй ставсӧ, мый тіян эм, онӧ вермӧй лоны Менам велӧдчысьясӧн».

Лука 16:13

Кесйӧг оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Лука 17:32

Энӧ вунӧдӧй, мый лои Лот гӧтыркӧд.

Ап. уджъяс 13:13

Пафысь мукӧдыскӧд тшӧтш Павел кывтіс Памфилияӧ, Пергия карӧ. Сэні Иоан колис найӧс да бӧр косіс Ерусалимӧ.

Ап. уджъяс 15:38

Но Павел эз кӧсйы босьтны Маркӧс, коді эновтіс найӧс Памфилияын, эз мун накӧд водзӧ, мед ӧтвылысь уджавны-кесъявны.

Ап. уджъяс 16:6

Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр

Ап. уджъяс 17:1

Павел да Сила мунісны Амфиполь да Аполония пыр Фессалоникаӧ. Сэні вӧлі иудейяслӧн синагога.

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Ап. уджъяс 17:13

Кор Фессалоникаын иудейяс кылісны, мый Павел Верияын висьтавлӧ Енлысь кывсӧ, локтісны сэтчӧ да пондісны шызьӧдны сэтчӧс йӧзсӧ.

Ап. уджъяс 18:23

Сэні олыштӧм бӧрын бара петіс туйӧ, кытшовтіс Галат да Фригия муяс, ёнмӧдіс сэні велӧдчысьясӧс.

2 Коринфӧ 2:13

Но сьӧлӧмӧй ёна майшасис, Тит вокӧс сэтысь эг аддзы да. Сэки ме янсӧдчи сэтчӧс йӧзкӧд да мӧдӧдчи Македонияӧ.

2 Коринфӧ 7:6

Но Енмыс, ловнас усьӧмаясӧс Ышӧдысь, ышӧдіс миянӧс Тит воӧмӧн,

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

2 Коринфӧ 8:23

Шуны кӧ Тит йылысь, сійӧ – менам уджъёрт, сыкӧд ӧтвыв ми кесъялам тіянлы. Мукӧд вокъяссӧ мӧдӧдісны вичкояс, и налӧн олӧмыс нимӧдӧ Кристосӧс.

2 Коринфӧ 8:6

Та вӧсна ми корим Титӧс водзӧ вӧчны тайӧ бур уджсӧ тіян пӧвстын да вайӧдны сійӧс помӧдз.

Галатӧ 1:2

Вокъяскӧд ставӧн ми чолӧмалам галатса вичкояс.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

2 Тимофейлы 1:15

Тэ тӧдан, Асияын ставныс эновтісны менӧ, весиг Фигел Ермогенкӧд.

2 Тимофейлы 4:16

Ёрд водзын медводдза дорйысигӧн некод эз сувт ме дор, ставныс эновтісны менӧ. Мед оз ло лыддьӧма тайӧс налы мыжӧн.

Титлы 1:4

Чолӧмала тэнӧ, Тит. Ӧтувъя эскӧманым тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьсянь да миян Мездысь Господь Исус Кристоссянь.

Филимонлы 1:24

Марк, Аристарк, Димас да Лука, менам уджъёртъясӧй, тшӧтш ыстӧны чолӧм.

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.