2 Тимофейлы 1:4 - Коми Библия 2023

⁴ Тэнад синваыд оз вунлы менам. Ме ёна кӧсъя аддзӧдчывны тэкӧд, медым тырны нимкодьлунӧн.

2 Тимофейлы 1:4 Kruisverwysings

Псалтыр 126:5

Шуда сійӧ мортыс, коді татшӧм ньӧвъяснас тыртӧ вӧралан нопсӧ. Сылы оз ло яндзим, кор мустӧмтысь кутас мыжавны сійӧс карса дзиръя дорын.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Еремей 31:13

Нывъяс кутасны долыда йӧктыны, томъяс и пӧрысьяс – ӧтвылысь гажӧдчыны. Налысь бӧрдӧмсӧ Ме вежа нимкодясьӧм вылӧ, гажӧда-бурӧда найӧс шогсьыныс.

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

Иоан 16:24

Ӧнӧдз ті нинӧм энӧ корлӧй Менам нимӧн. Корӧй, и лоӧ сетӧма тіянлы. Сэки тіян нимкодьлунныд лоӧ помтӧм-дортӧм.

Ап. уджъяс 20:19

Ме кесъялі Господьлы рам сьӧлӧмӧн да синва сорӧн, кор ёна сьӧкыдалі иудейяссянь.

Ап. уджъяс 20:31

Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.

Римӧ 1:11

Ёна кӧсъя аддзӧдчывны тіянкӧд да юксьыштны Ловсянь сетӧмторъясӧн, медым ёнмӧдны тіянӧс.

Филипӧ 1:8

Ен тӧдӧ, ме ёна радейта тіянӧс Исус Кристослӧн муслунӧн.

Филипӧ 2:26

Сійӧ ёна гажтӧмтчӧ тіян вӧсна да шогсьӧ, мый ті тӧданныд сылӧн висьӧм йылысь.

1 Фессалоникаӧ 2:17

Вокъяс, ми янсавлім тіянкӧд дженьыдик кад кежлӧ, но сьӧлӧмӧн пыр вӧлім тіянкӧд. Ми ёна гажтӧмтчим тіянысь да ёнджыка на кӧсйим аддзысьлыны тіянкӧд.

2 Тимофейлы 4:21

Вермӧдчы локны тӧлӧдзыс. Тэныд ыстӧны чолӧм Еввул, Пуд, Лин, Клавдия да став вокъяс.

2 Тимофейлы 4:9

Тэрмась локны ме дінӧ регыдъя кадӧ.

1 Иоан 1:4

Ми гижам та йылысь, медым ті верминныд тырвыйӧ нимкодясьны.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.