2 Петыр 3:12 - Коми Библия 2023

¹² Ті ӧд ёна кӧсъянныд да виччысянныд, мед ӧдйӧджык нин воас Енлӧн луныс. Сійӧ лунӧ енэжыс ыпъялан биысь сотчас да пазалас, доналӧм ентыкӧлаыс сылас.

2 Петыр 3:12 Kruisverwysings

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Исай 24:19

Муыс потласьӧ, муыс жугласьӧ, муыс ёна сыркакылӧ.

Исай 34:4

Енэжвывса югзьӧданторъяс дзикӧдз сотчасны, енэжыс гартыштчас гижӧд тубрас моз. Енэжвывса став югзьӧданторйыс гылалас, кыдзи гылалӧны виноград пу вылысь коръясыс, кыдзи усьласьӧны инжир пу вылысь косьмӧм коръясыс.

Микей 1:4

Сы кок улын керӧсъяс сыласны ӧзъялысь сись моз, ковтысъяс воссясны кыркӧтшсянь визувтысь ва моз.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Филипӧ 1:6

Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

2 Петыр 3:11

Ставыс кӧ тадзи пазалас, сэки кутшӧм вежаӧн да веськыдӧн колӧ лоны тіянлы.

2 Петыр 3:4

Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы».

2 Петыр 3:7

Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.

Иуда 1:21

Видзӧй асьнытӧ Ен муслунас. Виччысьӧй сійӧ кадсӧ, кор миян Господь Исус Кристос Аслас буралӧмнас вайӧдас миянӧс помтӧм олӧмӧ.