2 Каднебӧг 8:7 - Коми Библия 2023

^7-8 Хеттейясысь, аморейясысь, перезейясысь, хивейясысь да евуссаясысь ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз бырӧдны.

2 Каднебӧг 8:7 Kruisverwysings

Олӧм 13:7

Ӧврамлӧн да Лотлӧн ыж-мӧс видзысьясыс кутісны зыксьыны ӧта-мӧдныскӧд. Сійӧ кадас тайӧ муас нӧшта олісны ханаансаяс да перезейяс.

2 Каднебӧг 2:16

А ми кутам Ливанын пӧрӧдны вӧр, мыйта тэныд колӧ, а сэсся пуръясӧн кылӧдам саридз кузя Иоппияӧдз. Сэсянь тэ нуан найӧс Ерусалимӧ».

2 Каднебӧг 8:6

Сійӧ лэптіс Баалат кар. Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

Ездра 9:1

Тайӧ лоӧмторъясыс бӧрын локтісны ме дінӧ израильса юралысьяс да шуисны: «Израиль войтыр, попъяс да левитъяс абу торйӧдчӧмаӧсь ханаан, хеттей, перезей, евус, аммон, моав, египет да аморей войтыръясысь, и на моз вӧчӧны быд пежсӧ.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.