2 Каднебӧг 4:6 - Коми Библия 2023

⁶ Соломон вӧчӧдіс дас ыджыд мыссян доз. Витсӧ сувтӧдісны вайӧртӧд веськыдладорас, а мӧд витсӧ – шуйгаладорас. Тайӧ дозъясас мыськалісны пемӧсъяслысь яйсӧ, мый дасьтісны сотан вись вайӧм вылӧ. А вайӧртӧдас мыссисны попъяс.

2 Каднебӧг 4:6 Kruisverwysings

Ӧксыяслӧн 3 небӧг 7:38

Хирам вӧчис ыргӧнысь дас мыссян доз. Быд дозйӧ тӧрис нелямын бат мында ва. Мыссян дозйыс вӧлі нёль гырддза ыджда. Быд джек вылын сулаліс ӧти мыссян доз.

Ӧксыяслӧн 3 небӧг 7:40

Хирам вӧчис мыссян дозъяс, пӧим куралан зыръяс, вир резан тасьтіяс – Господьлӧн крамса став дозмук-кӧлуйсӧ, мый сылы тшӧктіс вӧчны Соломон ӧксы.

2 Каднебӧг 4:2

Соломон вӧчӧдіс ыргӧнысь ыджыд гӧгрӧс вайӧртӧд, шуисны сійӧс саридзӧн. Ӧтар дорышсяньыс мӧдар дорышӧдзыс сійӧ вӧлі дас гырддза пасьта, джуджданас вӧлі вит гырддза, а гӧгӧртны кӧ сійӧс кӧвйӧн, колана вӧлі комын гырддза кузьта кӧв.

Псалтыр 51:2

Давид лӧсьӧдіс тайӧ сьыланкывсӧ сы бӧрти, кор эдомса Доик юӧртіс Сауллы Ахимелек ордӧ Давидлӧн локтӧм йылысь.

Петӧм 29:4

Ааронӧс пияныскӧд вайӧд вежа чом пыранін водзӧ да мыссьӧд найӧс ваӧн.

Петӧм 30:17

Господь шуис Мӧисейлы:

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

1 Коринфӧ 6:11

Кодсюрӧ тіян пӧвстысь тшӧтш вӧлінныд татшӧмӧсь, но миян Господь Исус Кристос нимӧн да Ен Лов вынӧн ті лоинныд сӧстӧмӧсь, вежаӧсь да веськыдӧсь.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Еврейяслы 9:23

Сідзкӧ, ставсӧ тайӧс, мый енэжвывса кодь, колӧ вӧлі сӧстӧммӧдны татшӧм ногӧн. А енэжвывсаыслы колана бурджык вись.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.