2 Каднебӧг 30:22 - Коми Библия 2023

²² Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

2 Каднебӧг 30:22 Kruisverwysings

Олӧм 50:21

Энӧ полӧй. Ме кута вердны тіянӧс да тіянлысь челядьнытӧ». Тадзи лӧньӧдіс найӧс, бурӧдіс налысь сьӧлӧмнысӧ.

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

2 Каднебӧг 17:9

Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг.

2 Каднебӧг 32:6

Езекей индіс тышкайӧзӧн веськӧдлысьясӧс, чукӧртіс найӧс изэрд вылӧ карса стен дорӧ да шуис налы ышӧдана кывъяс:

2 Каднебӧг 35:3

Господьлы вежӧдӧм-торйӧдӧм левитъяслы, Израиль войтырӧс туйдӧдысьяслы, Иосей шуис: «Тіянлы оз нин ков новлӧдлыны пельпом выланыд вежа кудсӧ, ӧд сійӧс сувтӧдӧма крамӧ, мый лэптіс Давидлӧн Соломон пиыс, израильса ӧксы. Ӧні кесъялӧй Господьлы, асланыд Енлы, да Сылӧн Израиль войтырлы.

Ездра 10:11

Ӧні висьтасьӧй асланыд мыж вӧчӧмысь Господь водзын, батьясныдлӧн Ен водзын. Сылӧн кӧсйӧм серти торйӧдчӧй мукӧд войтыръясысь да налӧн аньясысь».

Ездра 7:10

ӧд Ездра став сьӧлӧмсӧ пуктіс, медым тӧдны Господьлысь Индӧдсӧ, овны сы серти да велӧдны Израиль войтырӧс тшӧктӧмъясӧ да веськыда мыждӧмӧ.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.

Ездра 8:18

Енмыс тӧждысис миян вӧсна, и найӧ мӧдӧдісны миян дінӧ Шеревий нима сюсь вежӧра мортӧс. Сійӧ вӧлі Израиль войтырысь Левий чужанкотырлӧн Махли рӧдысь. Сыкӧд локтісны сылӧн пияныс да вокъясыс – дас кӧкъямыс морт.

Неемий 8:18

Медводдза гажӧдчан лунсянь бӧръя лунӧдзыс быд лун лыддисны Енлысь Индӧдсӧ. Гажӧдчисны сизим лун чӧж, а кӧкъямысӧд луннас Гижӧд серти вӧлі вежа чукӧртчӧм.

Неемий 9:3

Найӧ сулалісны куим час чӧж, кор налы лыддисны Господь Енлысь Индӧдсӧ. Сэсся найӧ куим час чӧж копыртчӧмӧн висьтасисны мыжъяссьыныс Господьлы, асланыс Енлы.

Шусьӧгъяс 8:6

Кывзӧй, ӧд ме висьтала коланасӧ, менам вомӧй сёрнитӧ веськыда.

Осий 2:14

– Ме ышӧда сійӧс Ме бӧрся мунны, нуӧда сійӧс овтӧминӧ, понда сёрнитны сыкӧд меліа.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Нав Исус 7:19

Исус шуис Аканлы: «Пыдди пукты Израильлысь Господь Енсӧ да висьтась Сы водзын аслад мыжысь. Висьтав меным, мый тэ вӧчин, нинӧм эн дзеб».