2 Каднебӧг 24:9 - Коми Библия 2023

⁹ Иудаын да Ерусалимын олысьяслы вӧлі юӧртӧма, мый налы колӧ мынтыны Господьлы вот. Ӧд овтӧминын на Мӧисей, Енлӧн кесйӧг, сетіс Израиль войтырлы вот мынтӧм йылысь тшӧктӧм.

2 Каднебӧг 24:9 Kruisverwysings

2 Каднебӧг 24:10

Юралысьяс да став войтырыс нимкодьпырысь вайисны сьӧм да пукталісны кудйӧ, кытчӧдз кудйыс эз тыр.

2 Каднебӧг 24:6

Та вӧсна Йоас корис ас дінас Иодай аркирейӧс да юаліс сылысь: «Мыйла тэ он тшӧкты левитъяслы, медым найӧ Иудаын да Ерусалимын олысьяслысь чукӧртісны вот? Ӧд Мӧисей, Господьлӧн кесйӧг, да Израиль войтыр тшӧктылісны чукӧртны сьӧм вежа чом вылӧ.

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Петӧм 30:12

«Израиль пиянлысь лыдсӧ арталігад мед быдӧн ас пондаыс вештысяс Господьлы. Сэки найӧс оз ло бырӧдӧма арталӧм вӧсна.