2 Каднебӧг 22:9 - Коми Библия 2023

⁹ Сэсся Еху тшӧктіс корсьны Ахазийӧс, коді вӧлі дзебсясьӧ Самарияын. Аддзӧм бӧрын сійӧс вайӧдісны Еху дінӧ да виисны. Ахазийӧс дзебисны сӧмын сылӧн Иосафат пӧль вӧснаыс, коді став сьӧлӧмсяньыс корсис Господьӧс. Ахазийлӧн рӧдысь некод эз коль, коді эськӧ вермис пуксьыны ӧксыӧ.

2 Каднебӧг 22:9 Kruisverwysings

Ӧксыяслӧн 3 небӧг 13:21

Пророк шуис Енлӧн мортлы, коді локтіс Иуда муысь: «Господь тадзи висьталӧ. Тэ эн кывзысь Господьлысь, эн вӧч аслад Господь Енлӧн шуӧм серти,

Ӧксыяслӧн 3 небӧг 14:13

Став Израиль войтыр кутас бӧрдны-шогсьыны сы вӧсна. Еровам рӧдысь сійӧс ӧтнассӧ дзебасны морт ногӧн, ӧд Еровам рӧдын сӧмын сы пытшкысь Господь, Израильлӧн Ен, аддзис бурсӧ.

Ӧксыяслӧн 4 небӧг 9:34

Еху пырис ӧксы керкаӧ, сёйис-юис да шуис: «Тӧждысьӧй тайӧ ёрӧм аньлӧн шойыс вӧсна, гуалӧй сійӧс, ӧд сійӧ ӧксылӧн ныв».

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

2 Каднебӧг 21:17

Найӧ уськӧдчисны Иуда му вылӧ, пырисны сэтчӧ да куштісны ӧксылысь керкасӧ. Найӧ босьтісны аскӧдныс Иорамлысь пиянсӧ да гӧтыръяссӧ. Ичӧтджык Иохаз пиыс кындзи сылӧн пиян пӧвстысь некод эз коль.

2 Каднебӧг 21:20

Ӧксыӧ пуксигас Иорамлы вӧлі комын кык арӧс. Кӧкъямыс во чӧж сійӧ юраліс Ерусалимын. Сылӧн кулӧм вӧсна некод эз бӧрд. Сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 21:4

Кор батьыс бӧрти Иорам пуксис ӧксыӧ да зумыдмӧдіс ассьыс юралӧмсӧ, сійӧ виис шыпуртӧн став ассьыс воксӧ да ӧткымын израильса юралысьӧс.

2 Каднебӧг 22:8

Ахавлысь рӧдсӧ бырӧдігӧн Еху паныдасис иудаса юралысьяскӧд да Ахазий вокъяслӧн пиянкӧд, кодъяс кесъялісны Ахазийлы. Еху виис тшӧтш найӧс.

2 Каднебӧг 24:25

Кор арамейяс мунісны, колисны Йоасӧс ёна дойдалӧмаӧн. Сэки Йоаслӧн кесйӧгъясыс сёрнитчисны сылысь водзӧс перйыны Иодай поплысь писӧ виӧмысь. Кесйӧгъясыс виисны Йоасӧс вольпасяс. Йоас куліс, и сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 25:27

Сы бӧрти, кор Амасей эновтіс Господьӧс, йӧзыс кыпӧдчисны Амасейлы паныд Ерусалимын, и сійӧ пышйис Лакиш карӧ. Но паныд кыпӧдчысьяс мӧдӧдісны сэтчӧ ассьыныс йӧзсӧ, и сэні найӧ виисны Амасейӧс.

2 Каднебӧг 33:24

Амонлӧн кесйӧгъясыс кыпӧдчисны сылы паныд да виисны сійӧс аслас керкаас.

Еремей 29:13

Ті корсянныд Менӧ, и аддзанныд, корсянныд став сьӧлӧмсяньныд,