2 Каднебӧг 21:2 - Коми Библия 2023

² Иорамлӧн вӧліны Азарий, Ехиэл, Закар, Азарий, Микаил да Шефатай нима вокъяс. Ставныс найӧ вӧліны израильса Иосафат ӧксылӧн пиян.

2 Каднебӧг 21:2 Kruisverwysings

2 Каднебӧг 12:6

Сэки иудаса юралысьяс да ӧксы раммӧдчисны да шуисны: «Господь веськыда вӧчӧ!»

2 Каднебӧг 21:4

Кор батьыс бӧрти Иорам пуксис ӧксыӧ да зумыдмӧдіс ассьыс юралӧмсӧ, сійӧ виис шыпуртӧн став ассьыс воксӧ да ӧткымын израильса юралысьӧс.

2 Каднебӧг 23:2

Найӧ кытшовтісны Иуда му да иудаса быд карысь чукӧртісны левитъясӧс да израильса рӧдкутысьясӧс Ерусалимӧ.

2 Каднебӧг 24:16

Сійӧс дзебисны Давид карӧ, ӧксыяскӧд орччӧн, ӧд сійӧ бурсӧ вӧчис Израиль войтырлы, Енмыслы да Сылӧн крамлы.

2 Каднебӧг 24:5

Йоас чукӧртіс попъясӧс да левитъясӧс да шуис налы: «Мунӧй Иуда каръясӧ да чукӧртӧй став Израиль войтырлысь сьӧм, медым позис дзоньтавны тіян Енлысь крамсӧ быд во. Вӧчӧй тайӧс ӧдйӧджык». Но левитъяс эз тэрмасьны тайӧс вӧчнысӧ.

2 Каднебӧг 28:19

Тадзи Господь раммӧдіс Иуда войтырӧс Ахаз ӧксы вӧсна, ӧд Ахаз эновтіс Господьӧс да лёкас кыскис ассьыс войтырсӧ.

2 Каднебӧг 28:23

Сійӧ вись вайис Дамаскын олысьяслӧн идолъяслы, ӧд чайтіс, мый налӧн енъясыс пасьвартісны сійӧс. Сійӧ шуаліс: «Арамса ӧксыяслӧн енъясыс отсалӧны налы. Ме вись вая налы, и найӧ меным тшӧтш отсаласны». Но найӧ мыжӧ вӧйтісны Ахазӧс да став Израиль войтырӧс.

2 Каднебӧг 28:27

Ахаз куліс да вуджис батьясыс дінӧ. Сійӧс дзебисны Ерусалимӧ, но эз израильса ӧксыяслӧн дзебанінӧ. Ахаз бӧрти ӧксыӧ пуксис сылӧн Езекей пиыс.

2 Каднебӧг 33:18

Манассей ӧксыалӧм дырйи мукӧд лоӧмторъяс йылысь гижӧма израильса ӧксыяслӧн небӧгӧ. Сэтчӧ гижӧма тшӧтш Манассейлысь Енмыслы кевмысьӧмсӧ да пророкъяслысь кывъяссӧ, мый найӧ висьталісны Манассейлы Израильлӧн Господь Ен нимсянь.

2 Каднебӧг 35:18

Израильын тадзисӧ эз на пасйывны Ыджыд лунсӧ Самуил пророклӧн олан лунъяссянь. Весиг ӧти израильса ӧксы эз пасйывлы Ыджыд лунсӧ сідзи, кыдзи ӧні пасйисны сійӧс Иосей ӧксы, попъяс, левитъяс, став Иуда войтырыс, Израильысь локтӧмаяс да Ерусалимын олысьяс.