2 Каднебӧг 20:17 - Коми Библия 2023

¹⁷ Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

2 Каднебӧг 20:17 Kruisverwysings

Ӧксыяслӧн 3 небӧг 20:13

Сэки ӧти пророк локтіс израильса Ахав ӧксы дінӧ да шуис: «Господь тадзи висьталӧ: ”Аддзан-ӧ тайӧ уна лыда тышкайӧзсӧ? Талун Ме сета найӧс тэнад киӧ, медым тэ тӧдін, мый Ме – Господь”».

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 20:16

Аски петӧй налы паныд тышӧ. Найӧ каясны Циц керӧс вылӧ, и ті паныдаланныд найӧс ковтыс помас, Еруэл овтӧминсянь асыввылын.

2 Каднебӧг 32:7

«Лоӧй зумыдӧсь да повтӧмӧсь! Энӧ полӧй ассурса ӧксыысь, энӧ тіралӧй сылӧн уна лыда тышкайӧзысь. Сійӧ, коді миянкӧд, ыджыдджык сы дорысь, коді ассурса ӧксыкӧд.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Петӧм 14:25

Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Исай 30:15

Господь Ыджыдыс, Израильлӧн вежа Ен, тадзи висьталӧ: – Ті кӧ бӧр бергӧдчинныд да олінныд лӧня, ті эськӧ мездминныд. Ӧд тіян вынныд лӧньлунын да Ме вылӧ лача кутӧмын. Но ті энӧ кӧсйӧй тадзи вӧчны.

Исай 30:7

Египетсянь отсӧгыс весьшӧрӧ, сійӧ нинӧм дон оз сулав. Та вӧсна Ме нимті Египетӧс лӧня пукалысь Рахавӧн.

Исай 37:6

Ӧксылысь кывъяссӧ кылӧм бӧрын Исай шуис налы: «Висьталӧй асланыд ыджыдлы, мый Господь тадзи висьталӧ: ”Эн пов тэныд висьталӧм кывъясысь, мыйӧн Менӧ лёкӧдісны ассурса ӧксылӧн кесъялысьясыс.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Бӧрданкыв 3:26

Бур, кор чӧла виччысян мездмӧмсӧ Господьсянь.

Амос 5:14

Бурсӧ корсьӧй, а эн лёксӧ, медым ті ловйӧн колинныд. Сэки Господь Ен Саваоф лоас тіянкӧд, кыдзи ті и шуанныд.

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Индӧд 3:22

Энӧ полӧй наысь. Господь, тіян Енныд, Ачыс тышкасьӧ тіян пыдди”».

2 Тимофейлы 4:22

Господь Исус Кристос тэкӧд. Енлӧн буралӧмыс тіянкӧд. Аминь.

Ёрдысьяс 7:21

Найӧ сулалісны мадианса тышкайӧзлӧн чомъяс гӧгӧр, а мадиансаяс горзӧмӧн котралісны ӧтарӧ-мӧдарӧ, кӧсйисны пышйыны.

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».