2 Каднебӧг 17:1 - Коми Библия 2023

¹ Аса бӧрти ӧксыӧ пуксис сылӧн Иосафат пиыс. Сійӧ зумыдмӧдіс ассьыс мусӧ, медым израильсаяс эз вермыны сійӧс.

2 Каднебӧг 17:1 Kruisverwysings

Ӧксыяслӧн 3 небӧг 15:24

Аса куліс да вуджис батьясыс дінӧ. Сійӧс дзебисны Давид пӧльыслӧн карӧ батьясыскӧд орччӧн. Аса бӧрти ӧксыӧ пуксис сылӧн Иосафат пиыс.

Ӧксыяслӧн 3 небӧг 22:41

Израильса Ахав ӧксылӧн нёльӧд веськӧдлан воӧ Иуда муын ӧксыӧ пуксис Асалӧн Иосафат пиыс.

Ӧксыяслӧн 4 небӧг 1:17

Ахазий куліс, кыдзи Господь висьталіс Илля пыр. Ахазийлӧн эз вӧв пиыс, та вӧсна сы бӧрти ӧксыӧ пуксис Иорам [Ахазийлӧн вокыс]. Тайӧ вӧлі иудаса Иорам ӧксылӧн, Иосафат пилӧн, мӧд веськӧдлан воӧ.

1 Каднебӧг 11:10

Тані лыддьӧдлӧма тышкайӧзлысь юралысьясӧс, кодъяс Израиль войтыркӧд сулалісны Давидлӧн ӧксыалӧм дор, медым пуктыны сійӧс ӧксыӧ Израиль йылысь Господьлӧн шуӧм серти.

2 Каднебӧг 12:1

Кор Ровоамлӧн юралӧмыс зумыдмис, и сійӧ лои вына юралысьӧн, сэки сійӧ да став Израиль войтырыс эновтісны Господьлысь Индӧдсӧ.

2 Каднебӧг 17:2

Иосафат мӧдӧдіс ассьыс тышкайӧзсӧ иудаса став изкарӧ. Сійӧ сувтӧдіс тышкакотыръясӧс Иуда му пасьтала да Ефрем чужанкотырлӧн каръясӧ, тайӧ каръяссӧ босьтліс сылӧн Аса батьыс.

2 Каднебӧг 26:8

Аммон войтыр мынтіс Озейлы вот. Озей нималіс весиг Египетын, ӧд сылӧн юралӧмыс вӧлі зумыд.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

Езекиль 7:27

Ӧксы пондас шогсьыны, юралысьяс повзясны, войтырыс весьӧпӧрас. Ме мынтыся налы олан туйныс серти, мыжда найӧс, кыдзи найӧ мукӧдӧс мыждісны. Сэки найӧ тӧдмаласны, мый Ме – Господь.

Матвей 1:8

Асалӧн – Иосафат, Иосафатлӧн – Иорам, Иорамлӧн – Озей.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Ӧксыяслӧн 1 небӧг 23:16

Давид дінӧ локтіс Сауллӧн Ионафан пиыс да ышӧдіс сійӧс лача кутны Енмыс вылӧ.