2 Каднебӧг 16:4 - Коми Библия 2023

⁴ Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан, Авел-Маим каръяс да Неффалим муысь став карсӧ, кӧні видзисны нянь да эмбур.

2 Каднебӧг 16:4 Kruisverwysings

Олӧм 14:14

Ӧврам мыйӧн тӧдмаліс Лотӧс пленӧ босьтӧм йылысь, чукӧртіс куимсё дас кӧкъямыс кесйӧгӧс, кодъяс чужлісны сы ордын, да Лотӧс босьтысьяс бӧрся вӧтчис Данӧдз.

Ӧксыяслӧн 3 небӧг 15:20

Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан да Авел-Бет-Маака каръяс, Киннерет ты гӧгӧрысь муяс да став Неффалим му.

Ӧксыяслӧн 3 небӧг 9:19

Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

Ӧксыяслӧн 4 небӧг 16:9

Ассурса ӧксы вӧчис Ахазлӧн корӧм серти. Сійӧ уськӧдчис Дамаск кар вылӧ да босьтіс сійӧс. Олысьяссӧ нуӧдіс Кирӧ, а Рецинӧс виис.

2 Каднебӧг 16:3

«Тэа-меа костын йитӧдным мед лоӧ миян батьяслӧн кодь. Ме ыста тэныд эзысь-зарни да кора орӧдны израильса Ваас ӧксыкӧд йитӧдтӧ, медым сійӧ ылыстчас менам муысь».

2 Каднебӧг 16:5

Ваас кор кыліс та йылысь, сійӧ дугдіс лэптыны Рама изкар, эновтіс ассьыс уджсӧ.

2 Каднебӧг 17:12

Иосафатлӧн юралӧмыс ёнджыка на зумыдмис. Иуда муын сійӧ лэптіс изкаръяс, лэптіс нянь да эмбур видзӧм могысь каръяс.

2 Каднебӧг 8:6

Сійӧ лэптіс Баалат кар. Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Исай 9:1

Водзынджык Енмыс ёна увтыртіс Завулон му да Неффалим му, но локтана кадӧ Сійӧ вылӧ кыпӧдас саридзбердса туй, Йӧрдан юсайса му, мукӧд войтыра Галилея му.

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.