2 Каднебӧг 15:2 - Коми Библия 2023

² и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 15:2 Kruisverwysings

Ӧксыяслӧн 3 небӧг 11:25

Соломонлӧн олан лунъяс чӧж Разон, арамейяслӧн ӧксы, эз дугдыв Израильлы паныд кыпӧдчыны. Хадад моз Разон уна лёк вӧчис Израильлы.

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 4 небӧг 21:14

Ме эновта Ассьым коляс войтырӧс да сета найӧс вӧрӧг киӧ. Вӧрӧг куштас налысь мусӧ да мырддяс налысь став эмбурсӧ.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

2 Каднебӧг 11:12

Быд карын видзисны сайӧдъяс да шыяс. Ровоам зумыда вынсьӧдіс тайӧ каръяссӧ. Тадзи Иуда да Венямин муяс колины сылӧн кипод улӧ.

2 Каднебӧг 12:5

Шемай пророк локтіс Ровоам дінӧ да иудаса юралысьяс дінӧ, кодъяс Шишакысь пышйигӧн чукӧртчисны Ерусалимӧ. Шемай шуис налы: «Господь тадзи висьталӧ: ”Ті эновтінныд Менӧ, та вӧсна Ме тшӧтш эновта тіянӧс да сета тіянӧс Шишаклӧн киӧ”».

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

2 Каднебӧг 13:4

Ефрем керӧсвыв муын Авий кайис Цемараим керӧс йылӧ да шыасис сэсянь: «Кывзӧй менӧ, Еровам да став Израиль войтыр!

2 Каднебӧг 15:15

Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм.

2 Каднебӧг 15:4

Но сьӧкыдалігӧн Израиль войтыр бергӧдчис аслас Господь Ен дінӧ, найӧ корсисны Сійӧс, и Енмыс воссис налы.

2 Каднебӧг 20:15

Яхазиэл шуис: «Иуда войтыр, Ерусалимын олысьяс да Иосафат ӧксы, кывзӧй! Господь тіянлы тадзи висьталӧ. Энӧ полӧй да энӧ тіралӧй тайӧ уна лыда тышкайӧзсьыс, ӧд тайӧ тышыс абу тіян, а Енмыслӧн.

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

2 Каднебӧг 24:20

Енлӧн Лолыс лэччис Иодай поплӧн Закар пи вылӧ. Закар сувтіс войтырыс водзӧ содъя пос вылӧ да шуис налы: «Господь тадзи висьталӧ: ”Мыйла ті торкаланныд Господьлысь тшӧктӧмъяссӧ? Тіян олӧманыд нинӧм оз кут артмыны. Ті эновтінныд Господьӧс, сідзкӧ, Сійӧ тшӧтш эновтас тіянӧс”».

2 Каднебӧг 26:5

Озей юрбитіс Енлы, кытчӧдз ловъя вӧлі Закар, коді велӧдіс войтырсӧ Енмысь вежавидзны. Кор Озей корсис Господьӧс, Ен отсӧгӧн сылӧн ставыс артмис.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

2 Каднебӧг 33:12

Сьӧкыдалігас Манассей кутіс кевмысьны Господьлы, аслас Енлы. Сійӧ раммӧдчис аслас батьяслӧн Ен водзын.

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Ездра 8:22

Меным яндзим вӧлі корны ӧксылысь тышкайӧзӧс да вӧлаясӧс, мед видзасны миянӧс туяным вӧрӧгысь. Ми ӧд шуим ӧксылы, мый миян Енным видзӧ Сы дінӧ шыасьысьясӧс, а кодъяс ӧтдортӧны Сійӧс, на вылӧ лэччӧ Сылӧн повзьӧдана выныс да скӧрлуныс.

Псалтыр 34:4

Менсьым олӧмӧс босьтны кӧсйысьяс мед яналасны да лоасны серамтуйынӧсь. Меным лёксӧ вӧчны кӧсйысьяс мед яналӧмӧн бӧр бергӧдчасны.

Псалтыр 53:2

Давид лӧсьӧдіс тайӧ сьыланкывсӧ, кор Зиф карысь локтісны йӧз да висьталісны Сауллы, мый Давид дзебсясьӧ на пӧвстын.

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Исай 51:1

– Кывзӧй Менӧ, веськыдлунсӧ да Господьӧс корсьысьяс! Видзӧдлӧй изкыртаыс вылӧ, мыйысь вӧчӧма-кералӧма тіянӧс, видзӧдлӧй му пыдӧсӧ, кытысь кодйӧма-перйӧма тіянӧс.

Исай 7:13

Сэки Исай шуис: «Кывзӧй, Давидлӧн рӧдыс! Тіянлы ӧмӧй этша на, мый ті йӧзсӧ сьӧктӧданныд? Ті кӧсъянныд тшӧтш менсьым Енмӧс сьӧктӧдны?

Еремей 2:17

Но таысь тэ ачыд мыжа, ӧд тэ эновтін Господьӧс, ассьыд Ентӧ, кор Сійӧ нуӧдіс тэнӧ.

Амос 5:14

Бурсӧ корсьӧй, а эн лёксӧ, медым ті ловйӧн колинныд. Сэки Господь Ен Саваоф лоас тіянкӧд, кыдзи ті и шуанныд.

Закар 1:3

Висьтав войтырыслы Господь Саваофлысь шуӧмсӧ. Бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. –

Лыд 14:42

Энӧ мунӧй, ӧд Господь оз ло тіянкӧд! Мунанныд кӧ, вӧрӧгныд вермас тіянӧс.

Лыд 14:43

Сэні тіянӧс виччысьӧны амаликъяс да ханаансаяс. Налӧн шыпурт помысь ті усянныд, ӧд бергӧдчинныд Господьысь, и Господь оз ло тіянкӧд».

Матвей 13:9

Кодлӧн эм пель, мед кылӧ!»

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Индӧд 4:29

Но сэні кӧ кутанныд корсьны Господьӧс, ассьыныд Ентӧ, ті аддзанныд Сійӧс, сӧмын кутанныд кӧ корсьны став сьӧлӧмнад да став олӧмнад.

Еврейяслы 10:38

Веськыда олысь эскӧмнас кутас овны, а кежас кӧ Меысь, Меным сійӧ оз шогмы.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Нав Исус 22:31

Пинес поп, Элазарлӧн пиыс, шуис Рувимсянь, Гадсянь да Манассейсянь чужысьяслы: «Талун ми тӧдмалім, мый Господь миянкӧд, и ті энӧ эновтӧй Господьӧс. Сідзкӧ, Господь оз кут мыждыны Израиль войтырӧс».

Нав Исус 24:20

Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».

Восьтӧм 2:11

Кодлӧн эм пель, мед кылӧ, мый Лов висьталӧ вичкояслы. Вермысьлы мӧд кулӧмыс нинӧм оз вӧч».

Восьтӧм 2:17

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».

Восьтӧм 2:29

Кодлӧн эм пель, мед кылӧ, мый Лов висьталӧ вичкояслы».

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Восьтӧм 3:13

Кодлӧн эм пель, мед кылӧ, мый Лов висьталӧ вичкояслы».

Восьтӧм 3:22

Кодлӧн эм пель, мед кылӧ, мый Лов висьталӧ вичкояслы».

Восьтӧм 3:6

Кодлӧн эм пель, мед кылӧ, мый Лов висьталӧ вичкояслы».

Ёрдысьяс 10:13

Но ті эновтінныд Менӧ да пондінныд кесъявны мукӧд енъяслы. Ме сэсся ог кут мездыны тіянӧс.

Ёрдысьяс 9:7

Та йылысь кылӧм бӧрын Иотам кайис Гаризим керӧс вылӧ да горӧдіс: «Сикемса олысьяс, кывзӧй менӧ, сэки Енмыс кылас тіянӧс!

Ӧксыяслӧн 1 небӧг 12:14

Понданныд кӧ повны Господьысь, кесъявны Сылы, кывзыны Сійӧс, да онӧ кӧ кутӧй пыксьыны Сылӧн тшӧктӧмъяслы, но понданныд тіян вылын ыджыдалысь ӧксыныдкӧд ветлыны асланыд Господь Енлӧн туйӧд, сэки Господь доръяс тіянӧс.

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.