2 Каднебӧг 10:4 - Коми Библия 2023

⁴ «Тэнад батьыд пуктіс миян вылӧ сьӧкыд сийӧс. Но тэ кокньӧд миянлысь сьӧкыд уджнымӧс да босьт миян вылысь сийӧссӧ, мый батьыд пуктіс миян вылӧ. Сэки ми кутам кесъявны тэныд».

2 Каднебӧг 10:4 Kruisverwysings

Ӧксыяслӧн 3 небӧг 12:4

«Тэнад батьыд пуктіс миян вылӧ сьӧкыд сийӧс, но тэ кокньӧд миянлысь сьӧкыд уджнымӧс да босьт миян вылысь сийӧссӧ, мый батьыд пуктіс миян вылӧ. Сэки ми кутам кесъявны тэныд».

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Ӧксыяслӧн 3 небӧг 5:13

Соломон уджӧдіс Израиль войтырысь комын сюрс мортӧс, кодъяс уджалӧмнас мынтісны вот.

Ӧксыяслӧн 3 небӧг 5:15

Нӧшта Соломонлӧн вӧліны уджалысьяс – сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изъяс.

Ӧксыяслӧн 3 небӧг 9:22

Израильсаясӧс Соломон эз пуктыв кесйӧгъясӧн. Ӧксылы найӧ кесъялісны веськӧдлысьясӧн да тышкайӧзӧн, веськӧдлісны тарантаса тышкайӧзӧн да верзьӧмаясӧн.

2 Каднебӧг 10:3

Израильсаяс корисны Еровамӧс да мунісны сыкӧд Ровоам дінӧ. Найӧ шуисны Ровоамлы:

2 Каднебӧг 10:5

Ровоам шуис налы: «Ӧні мунӧй, а коймӧд луннас бӧр локтӧй ме дінӧ». Войтырыс разӧдчис.

Петӧм 2:23

Уна во коли. Египетса ӧксы куліс. Израиль пиян ойзӧмӧн ойзісны сьӧкыд уджысь. Налӧн горзӧмыс воис Енмӧдз.

Исай 47:6

Аслам войтыр вылӧ Ме скӧрми, Ассьым бӧрйӧм йӧзӧс Ме янӧді да сеті тэнад кипод улӧ. Тэ эн вӧв бур сьӧлӧма на дінӧ, весиг пӧрысь йӧзӧс тэ ёна нартитін.

Матвей 23:4

Найӧ кӧртавлӧны сьӧкыд, нуны вермытӧм нӧбъяс да пуктӧны йӧзлы пельпом вылас. Но асьныс весиг чунь помнас вӧрзьӧдны оз кӧсйыны.

1 Иоан 5:3

Тшӧктӧмъяс серти олӧмыс – тайӧ Енсӧ радейтӧм, а Сылӧн тшӧктӧмъясыс абу сьӧкыдӧсь.