2 Каднебӧг 1:8 - Коми Библия 2023

⁸ Соломон шуис Енлы: «Тэ вӧлін зэв бур сьӧлӧма менам Давид бать дінӧ. Сы бӧрти Тэ пуктін менӧ ӧксыӧ.

2 Каднебӧг 1:8 Kruisverwysings

Ӧксыяслӧн 2 небӧг 22:51

Ыджыд вынӧн Тэ мездан ӧксыӧс. Тэ мавтыштін Давидӧс, Тэ петкӧдлан буралӧмтӧ сы дінӧ да сысянь чужысьяс дінӧ нэмъяс чӧж.

Ӧксыяслӧн 3 небӧг 3:6

Соломон воча шуис: «Тэ вӧлін зэв бур сьӧлӧма менам Давид бать дінӧ, Аслад кесйӧг дінӧ, ӧд сійӧ оліс Тэнсьыд кывзысьӧмӧн да веськыда, ставсӧ вӧчис сӧстӧм сьӧлӧмӧн. Ассьыд ыджыд буралӧмтӧ Тэ эн вешты сы дінысь, Тэ сетін сылы пиӧс, коді ӧні пукалӧ сылӧн юралан пуклӧсын.

1 Каднебӧг 17:16

Давид ӧксы муніс вежаинӧ да пондіс кевмысьны Господьлы: «Господьӧй Енмӧй! Коді ме да менам рӧдӧй, мый Тэ татшӧм вылӧ лэптін менӧ!

1 Каднебӧг 28:5

Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн.

1 Каднебӧг 29:23

Соломон пуксис Господьлӧн юралан пуклӧсӧ, сійӧ лои ӧксыӧн аслас Давид батьыс пыдди. Сылӧн ставыс артмис, и Израиль войтыр кывзысис сылысь.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.