1 Тимофейлы 6:4 - Коми Библия 2023

⁴ татшӧм мортыс вылӧ пуктӧ асьсӧ да нинӧм оз гӧгӧрво. Сійӧ пыр кӧсйӧ вензьыны да зыксьыны. А тасянь артмӧ вежалӧм, пинясьӧм, лёкӧдӧм, гусьӧн мыждӧм

1 Тимофейлы 6:4 Kruisverwysings

Шусьӧгъяс 13:7

Ӧтилӧн нинӧм абу, но асьсӧ озырӧ пуктӧ, мӧдлӧн озырлуныс уна, но асьсӧ гӧльӧ пуктӧ.

Шусьӧгъяс 25:14

Коді ошйысьӧ козинъясӧн, но нинӧм оз сет, сійӧ зэртӧм кымӧр да тӧвныр кодь.

Шусьӧгъяс 26:12

Асьсӧ мывкыдӧ пуктысь морт дорысь бурджык вежӧртӧм вылӧ лача кутны.

Исай 58:4

Со, ті видзаланныд, но тіян костын содӧ вензьӧм да зыксьӧм, ті чорыда нӧйтанныд ӧта-мӧднытӧ. Тадзи кӧ ті видзаланныд, тіянлысь гӧлӧс шытӧ оз кывны выліас.

Ап. уджъяс 15:2

Павел да Варнава паныд сувтісны налы да дыр вензисны накӧд. Сэки шуисны мӧдӧдны Павелӧс, Варнаваӧс да ас йӧзсьыс кодсюрӧӧс апостолъяс да юрнуӧдысьяс дінӧ Ерусалимӧ, медым тайӧ сёрнинас воны ӧти кывйӧ.

Ап. уджъяс 18:15

А кор ті вензянныд кывъяс, нимъяс да асланыд Индӧд йылысь, ме тані абу ёрдысь. Асьныд сёрнитчӧй».

Ап. уджъяс 8:9

Тайӧ карас оліс Симон нима морт. Аслас туналӧмӧн сійӧ шензьӧдліс Самарияын олысьясӧс. Асьсӧ сійӧ ыджыд мортӧ пуктіс.

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Римӧ 14:1

Жеб эскысьӧс сибӧдӧй, энӧ вензьӧй, сылӧн видзӧдласыс кӧ торъялӧ.

Римӧ 2:8

Но чорыд скӧрлун виччысьӧ найӧс, кодъяс радейтӧны сӧмын асьнысӧ, кодъяс оз овны збыльыс серти, а сетчӧны ылӧгас.

1 Коринфӧ 11:16

Кӧсйӧ кӧ кодкӧ вензьыны та йылысь, сылы тадзи шуа: ни миянын, ни Енлӧн мукӧд вичкоясын мӧд нога велӧдӧмыс абу.

1 Коринфӧ 11:18

Ӧти-кӧ, ме кывлі, мый вичкоӧ чукӧртчигӧн тіян костын овлӧны вензьӧмъяс. Ме мыйтакӧ эска татчӧ.

1 Коринфӧ 3:18

Асьнытӧ энӧ ылӧдлӧй. Тайӧ муюгыдас кӧ лыддьӧ кодкӧ асьсӧ мывкыдаӧн, медводз сійӧ мед лоӧ мывкыдтӧмӧн. Сэки сійӧ збыльысь лоӧ мывкыда.

1 Коринфӧ 3:3

ӧд ті вир-яй серти на оланныд. Тіян костын пыр на овлӧ вежалӧм, вензьӧм да юксьӧм. Сідзкӧ, ті вир-яй серти на оланныд, ті пыр на тайӧ муюгыдсаыс кодьӧсь.

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Галатӧ 5:26

Огӧ пондӧй вывтіасьны, ӧта-мӧдӧс дӧзмӧдны да ӧта-мӧдлы вежавны.

Галатӧ 6:3

Ас йывсьыс вывтіа мӧвпалысь, коді збыльвылас нинӧм, ылӧдлӧ ачыс асьсӧ.

Филипӧ 1:15

Кодсюрӧ висьтавлӧны Кристос йылысь вежалӧмныс понда, мед вензьыны миянкӧд, а мукӧдыс висьтавлӧны сьӧлӧмсяньныс.

Филипӧ 2:14

Ставсӧ вӧчӧй шуасьтӧг да зыксьытӧг,

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

1 Тимофейлы 1:4

эз кутчысьны мойдъясӧ да дугдісны корсьысьны, коді кутшӧм чужанвужйысь петӧма. Тасянь сӧмын вензьӧм артмӧ, а оз Енлы кесъялӧм. Енмыслы позьӧ кесъявны сӧмын эскӧмӧн.

1 Тимофейлы 1:7

Найӧ пуктӧны асьнысӧ Индӧдӧ велӧдысьясӧ, но асьныс оз гӧгӧрвоны, мый висьталӧны да мыйӧ велӧдӧны.

1 Тимофейлы 3:6

Вичкоса веськӧдлысьӧн оз вермы лоны морт, коді сӧмын на бергӧдчис Ен дінӧ. Ӧд сійӧ вермас вылӧ кыпӧдчыны да омӧльыс моз веськавны мыждӧм улӧ.

2 Тимофейлы 2:14

Казьтыв тайӧс да Господь водзын ӧлӧд эскысьясӧс кывъяс понда венӧ пырӧмысь. Ӧд тайӧ бурсӧ оз вай, сӧмын виӧ кывзысьясӧс.

2 Тимофейлы 2:23

Ковтӧм да мывкыдтӧм вензьӧмъясысь ылыстчы. Тэ ӧд тӧдан, мый тайӧ вайӧдӧ зыксьӧмӧдз.

2 Тимофейлы 3:4

ӧта-мӧдсӧ вузалӧны, этшсӧ оз тӧдны да тшапӧсь. Енмыс дорысь налы мусаджык лышкыда олӧмыс.

Титлы 3:9

Тӧлктӧм вензяна сёрниысь, ордпу йылысь да Индӧд кузя зыксьӧм-пинясьӧмысь ылыстчы. Ставыс тайӧ ковтӧмтор да весьшӧрӧ.

Яков 1:19

Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.

2 Петыр 2:12

Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

Иуда 1:10

Тайӧ йӧзыс лёкӧдӧны сійӧ, мый асьныс оз гӧгӧрвоны. А мый вежӧртӧм пемӧсъяс моз кылӧны асланыс вир-яйын, сійӧ кыскӧ найӧс бырӧдӧмӧ.

Иуда 1:16

Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.

Восьтӧм 3:17

Тэ шуан: ”Ме озыр, ме ёна нин озырми, менам ставыс эм”. Но тэ ӧмӧй он гӧгӧрво, мый тэ – коньӧрсьыс-коньӧр, шудтӧм, гӧль, синтӧм да пасьтӧм.