1 Тимофейлы 6:18 - Коми Библия 2023

¹⁸ Озыръясӧс велӧд, медым бурсӧ вӧчисны, озырмисны бур уджъясӧн, вӧліны лышкыдӧсь да юксисны мукӧдкӧд.

1 Тимофейлы 6:18 Kruisverwysings

2 Каднебӧг 24:16

Сійӧс дзебисны Давид карӧ, ӧксыяскӧд орччӧн, ӧд сійӧ бурсӧ вӧчис Израиль войтырлы, Енмыслы да Сылӧн крамлы.

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Еклесиаст 11:6

Асывнас кӧдз, и рытнас киыдлы эн сет шойччӧгсӧ. Тэ ӧд он тӧд, кодар уджыс лоӧ бурджык, а гашкӧ, кыкнанныс бур.

Еклесиаст 3:12

Ме гӧгӧрвои, мый мортыслы бурджык нимкодясьны да вӧчны бурсӧ олӧм чӧжыс.

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Исай 58:7

тшыгъялыськӧд юк няньтӧ, коньӧр шӧйтысьӧс вайӧд гортад, пасьтӧмӧс пасьтӧд, рӧдвужыдлӧн отсӧг корӧмысь эн бергӧдчы.

Матвей 5:42

Тэнсьыд корысьлы сет, водзӧсӧн босьтысьӧс эн вӧтлы».

Лука 12:21

Тадзи лоӧ быдӧнкӧд, коді аслыс чукӧртӧ озырлунсӧ, а оз Енсянь озырмӧдчы».

Лука 3:11

Сійӧ вочавидзис: «Тэнад кӧ кык дӧрӧм, ӧтисӧ сет, кодлӧн абу. Тэнад кӧ эм сёян, тшӧтш тадзи вӧч».

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 11:29

Велӧдчысьяс шуисны отсавны Иудеяын олысь вокъяслы, коді мыйта вермас.

Ап. уджъяс 9:36

Иоппияын оліс Тавита ань, сылӧн нимыс лоӧ: газель. Тайӧ аньыс тшӧтш вӧлі велӧдчысьяс лыдын. Уна бур сійӧ вӧчис йӧзыслы, отсасис гӧльяслы.

Римӧ 12:13

Вежа войтырлы отсалӧй абутӧмлун дырйиныс, сибӧдӧй ветлысь-мунысьясӧс,

Римӧ 12:8

кодлы сетӧма ышӧдны, мед ышӧдӧ, кодлы сетӧма отсасьны аслас эмбурӧн, мед отсасьӧ сьӧлӧмсяньыс, кодлы сетӧма веськӧдлыны, мед веськӧдлӧ тӧждысьӧмӧн, кодлы сетӧма бурсӧ вӧчны, мед вӧчӧ нимкодьпырысь.

1 Коринфӧ 16:2

вежонса медводдза лунӧ быдӧн торйӧдӧй сьӧмнытӧ мыйта верманныд да видзӧй сійӧс ас орданыд. Сэки менам локтігкежлӧ тіян лоӧ чукӧртӧма нин.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

2 Коринфӧ 8:9

Ті тӧданныд миян Господь Исус Кристослысь буралӧмсӧ. Сійӧ вӧлі озыр, но гӧльмис тіян вӧсна, медым Аслас гӧльлунӧн озырмӧдны тіянӧс.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

1 Тимофейлы 5:10

да тӧдӧны кӧ сійӧс бур уджъясыс серти: сійӧ бур ногӧн быдтӧма-велӧдӧма ныв-писӧ, сибӧдӧма ветлысь-мунысьӧс, мыськалӧма вежа войтырлысь кокнысӧ, отсалӧма сьӧкыдалысьяслы да вӧчӧма быд бурсӧ.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Титлы 3:8

Тайӧ кывъясыс эсканаӧсь. Ме кӧсъя, мед тэ тӧдчӧдӧмӧн пыр казьтылін тайӧс, медым Енлы эскысьяс тӧждысисны бурсӧ вӧчны. Тайӧ бур да йӧзыслы колана.

Еврейяслы 13:16

Энӧ вунӧдӧй вӧчны бурсӧ, юксьӧй сійӧн, мый эм. Ӧд татшӧм висьыс шогмана Енмыслы.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 3:11

мед ылыстчас лёксьыс да вӧчас бурсӧ, корсяс лӧньлунсӧ да кутчысяс сэтчӧ.

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.