1 Тимофейлы 3:7 - Коми Библия 2023

⁷ Зэв колана, медым вичкоысь ӧтдор мукӧдыс тшӧтш пыдди пуктісны сійӧс. Сэки лёк сёрниыс сы йылысь оз паськав, и сійӧ оз шед омӧльыслӧн налькйӧ.

1 Тимофейлы 3:7 Kruisverwysings

Марк 4:11

Исус шуис: «Тіянлы сетӧма тӧдны Ен Юралӧмлысь гусяторъяссӧ, а мукӧдыс кылӧны та йылысь сӧмын велӧданвисьтъясысь.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 22:12

Сэні ме дінӧ локтіс Ананий нима вежавидзысь да Индӧд серти олысь морт. Дамаскын олысь иудейяс пыдди пуктісны сійӧс.

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

1 Коринфӧ 5:12

Меным ӧмӧй мыждыны вичкоысь ортсысасӧ? Енмыс найӧс мыждас, а вичкосаӧс ті мыжданныд. «Бырӧдӧй лёксӧ ас пӧвстсьыныд».

2 Коринфӧ 6:3

Ми некодлы огӧ сетӧй помка шуасьны миян вылӧ, медым эз ло лёкӧдӧма кесъялӧмнымӧс.

2 Коринфӧ 8:21

Ми ставсӧ зілям вӧчны веськыда огӧ сӧмын Господь водзын, тшӧтш йӧзыс водзын.

Колосӧ 4:5

Лоӧй мывкыдаӧсь эскытӧмъяскӧд, энӧ коллялӧй каднытӧ весьшӧрӧ.

1 Фессалоникаӧ 4:12

Сэки эскытӧмъяс тшӧтш кутасны пыдди пуктыны тіянӧс, тіян ставыс лоӧ тырмымӧн.

1 Фессалоникаӧ 5:22

Ылыстчӧй быдпӧлӧс лёксьыс.

1 Тимофейлы 3:6

Вичкоса веськӧдлысьӧн оз вермы лоны морт, коді сӧмын на бергӧдчис Ен дінӧ. Ӧд сійӧ вермас вылӧ кыпӧдчыны да омӧльыс моз веськавны мыждӧм улӧ.

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

3 Иоан 1:12

Димитрий йылысь ставныс бура сёрнитӧны. Сы йылысь ачыс збыльыс висьталӧ, ми тшӧтш тадзи висьталам. Тэ ӧд тӧдан: миян висьталӧмыс збыль.

Ӧксыяслӧн 1 небӧг 2:24

Дугдӧй, пиянӧй, вӧчны пежсӧ. Ог бурторъяс ме кыв тіян йылысь. Господьлӧн войтырыс лёктор висьталӧ тіян йылысь.